影片
更多
2009-02-23
12 浏览
早就久仰其出晒名既巨型奄列，估唔到成名咁耐，兼且下午3点几都仲有长长人龙，证明佢应该有返一定既质素啦!红豆冰入到去几乎每张台都见其踪影，心谂一定系呢度既招牌饮品，点知咁就出事。因为个人认为一般快餐店仲好饮。"奶"豆分明得紧，搞极都系两层；奶少水多，无奶味兼无甜味；相反豆就太甜；唯一可以赞既只有红豆煲得够稔，简直是入口即融。胚芽好立克胚芽份量十足，甜得过火。黎既时候，底部仲热辣辣，同面头既冻冰冰成强大对比。豉油王鸡翼落单后先知原来可以叫3只。虽然鸡翼有光泽，色水靓，但食落不出众，只能够话似妈妈整。另外，鸡骨中间既肉质已经鞋，但又无味，所以下次再黎就唔会叫喇。火腿小奄列唔好俾佢个名呃左，因为所谓的小奄列其实都好巨型，成只碟都俾佢霸晒，旁边既牛油面包都要让位，侧侧身训系鸡蛋上面。奄列面头滴左几滴美极，所以初时会觉得抢晒味，而后尾又唔够味。不过一路切开既时候，都见到不少半凝固既蛋白流出，真系几令人垂涎欲滴。而且火腿份量好多，仲要唔系薄薄既火腿片。不过相对下面包就较为失色，软濑濑，牛油份量亦不够，食了几口就放下了。
红豆冰
入到去几乎每张台都见其踪影，心谂一定系呢度既招牌饮品，点知咁就出事。因为个人认为一般快餐店仲好饮。"奶"豆分明得紧，搞极都系两层；奶少水多，无奶味兼无甜味；相反豆就太甜；唯一可以赞既只有红豆煲得够稔，简直是入口即融。
胚芽好立克
胚芽份量十足，甜得过火。黎既时候，底部仲热辣辣，同面头既冻冰冰成强大对比。
豉油王鸡翼
落单后先知原来可以叫3只。
虽然鸡翼有光泽，色水靓，但食落不出众，只能够话似妈妈整。
另外，鸡骨中间既肉质已经鞋，但又无味，所以下次再黎就唔会叫喇。
火腿小奄列
唔好俾佢个名呃左，因为所谓的小奄列其实都好巨型，成只碟都俾佢霸晒，旁边既牛油面包都要让位，侧侧身训系鸡蛋上面。
奄列面头滴左几滴美极，所以初时会觉得抢晒味，而后尾又唔够味。不过一路切开既时候，都见到不少半凝固既蛋白流出，真系几令人垂涎欲滴。
而且火腿份量好多，仲要唔系薄薄既火腿片。
不过相对下面包就较为失色，软濑濑，牛油份量亦不够，食了几口就放下了。
张贴
