今助烏冬御膳 (已結業)

偶然出来旺角，途经雅兰中心, 见食肆选择多，又新又整洁， 决定落脚揾食。走咗一圈，睇过哂所有餐厅嘅餐牌，老板话想食乌冬，所以决定到今助。餐厅唔算好大，但坐位宽敞，完全唔迫，而且胜在全个menu都系定食，要饭有饭，要乌冬有乌冬，仲有刺身又有寿司， 可以舒舒服服食餐安乐午餐，而家嘅旺角好难揾到。蛤贝味噌及牛肉乌冬份量大，前者味道洽当，唔会太咸，后者又唔会太甜，好味。寿司亦绝不轻手，有5-6件，当中仲有带子，抵哂。今餐价钱唔贵，2口子叫咗2个set 都系200左右，大满足。 温馨提示：食饱走嘅时候门外已经要等位，所以大家唔想等就要早少少嚟！