影片
更多
2024-10-05
1285 浏览
九月圆脐十月尖系时候陪老婆大人去食大闸蟹go go go！呢晚约咗朋友去到K11 MUSEA有靓景嘅夜上海食今年第一蟹！上次嚟呢度叹酒食靓火腿已经俾个无敌维港靓景吸引住，今次再嚟食晚饭觉得室内嘅老上海装修一样咁正呀。餐厅连只碟都靓过人听闻呢只蟹仔系揾名师画㗎！开餐嘅时候仲可以好好欣赏食嘅艺术。我哋今日食江苏嘅大只仔只只有成五両半至六両咁重㗎。叹大闸蟹又点可以冇靓花雕啊！大家先拣只靓杯嚟欣赏夜上海20年陈太雕皇。果然系陈年花雕睇颜色已经好浓郁吸引，饮落去非常顺喉酒味芳香我饮咗劲多杯呀。美酒当前当然唔好辜负先嚟两个前菜送酒！江南脆鳝香香甜甜卜卜脆，用佢嚟送花雕酒真系好夹㖞。不过我就好钟意呢个花雕醉鸡！鸡味好鲜香皮又清爽唔会肥淋淋，加埋啲花雕酒浸得好入味坚好食。钟意食上海嘢都冇理由唔知呢碗腌笃鲜几好饮啦啩！奶白嘅咸鲜浓汤好够火候，入面嘅云腿仲非常咸香有味，加埋啲吸味嘅百页同爽甜嘅竹笋呢碗汤真系好正呀。等到颈都长嘅大闸蟹终于蒸好上枱喇！平时就要老婆大人服侍我，但嚟到都夜上海就有专人帮我擦蟹，所以呢晚老婆大人可以食得舒服好多。天气仲系好热好彩我呢只蟹都算肥美应有嘅红、白羔都有齐，将啲蟹肉拆晒放落
呢晚约咗朋友去到K11 MUSEA有靓景嘅夜上海食今年第一蟹！上次嚟呢度叹酒食靓火腿已经俾个无敌维港靓景吸引住，今次再嚟食晚饭觉得室内嘅老上海装修一样咁正呀。
餐厅连只碟都靓过人听闻呢只蟹仔系揾名师画㗎！开餐嘅时候仲可以好好欣赏食嘅艺术。
我哋今日食江苏嘅大只仔只只有成五両半至六両咁重㗎。
叹大闸蟹又点可以冇靓花雕啊！大家先拣只靓杯嚟欣赏夜上海20年陈太雕皇。
果然系陈年花雕睇颜色已经好浓郁吸引，饮落去非常顺喉酒味芳香我饮咗劲多杯呀。
美酒当前当然唔好辜负先嚟两个前菜送酒！江南脆鳝香香甜甜卜卜脆，用佢嚟送花雕酒真系好夹㖞。
不过我就好钟意呢个花雕醉鸡！鸡味好鲜香皮又清爽唔会肥淋淋，加埋啲花雕酒浸得好入味坚好食。
钟意食上海嘢都冇理由唔知呢碗腌笃鲜几好饮啦啩！奶白嘅咸鲜浓汤好够火候，入面嘅云腿仲非常咸香有味，加埋啲吸味嘅百页同爽甜嘅竹笋呢碗汤真系好正呀。
等到颈都长嘅大闸蟹终于蒸好上枱喇！平时就要老婆大人服侍我，但嚟到都夜上海就有专人帮我擦蟹，所以呢晚老婆大人可以食得舒服好多。
天气仲系好热好彩我呢只蟹都算肥美应有嘅红、白羔都有齐，将啲蟹肉拆晒放落蟹盖道一次过食先至够过瘾。
除咗原只嘅大闸蟹我哋仲试咗好多蟹粉菜！呢碟系充满骨胶原嘅蟹粉花胶，花胶煮得烟靭又弹牙加埋甘香嘅蟹粉足以令女士们疯狂爱上。
钟意食鱼嘅我特别推介呢碟蟹粉扒海钓黄鱼！用上等黄鱼品牌「闽东壹鱼」嚟煮，鱼肉好嫩滑而且鲜味十足，绝对唔会比蟹粉盖过鲜味超正斗呀。
跟住仲有呢个好搞鬼嘅蟹粉银鳕鱼蒸肉饼，一碟肉饼入面有齐咁多样好似风马牛不相及嘅食材！但系夹起上嚟又鬼死咁好味㖞，蟹有鱼味鱼有猪味真系好鬼特别㗎。
食大闸蟹同小笼包好似系挂咗钩咁！所以我哋都叫咗蟹粉小笼包嚟叹。
夹起唔会好易穿底手工ok啊！小笼包个皮唔会太厚入面嚿肉好有鲜味，我觉得唔使点醋食都一样咁正。
食咗咁多大闸蟹梗系要饮返杯姜茶暖胃啦。
大家意犹未尽仲叫咗个好惹味嘅孜然羊肋骨嚟叹！香辣惹味嘅羊肋骨煮到外脆内嫩，一定要用手攞住嚟食咁先至风味十足。
最后嚟一窝咸肉菜饭喂饱个肚！咸肉、菜加饭呢个组合好简单，但系食落就有屋企嘅味道我钟意呀。
饭后再整多两款甜品叹吓咁就非常圆满喇！呢个系老婆大人最钟意食嘅红枣糕，食落去好香甜烟烟韧韧咁几得人钟意㗎。
仲有嗌咗一桶豆腐花同大家一齐食！唔系滑到跣落喉咙𠮶种，但豆味好浓好香就算唔落糖我都觉得好好食。
张贴
