Mood Coffee

营业中

休息中

当心情马马地嘅时候，我就钟意一个人去叹杯咖啡放松一下，今日就咁岩见到呢间mood coffee，希望它可帮帮我。咖啡店黑白色为主，好型呀！地方小小，只有两三个座位，客人多数以外卖为主，我就好好彩有位坐低慢慢叹，仲可睇住咖啡师冲调咖啡，正!食品有几款三文治、甜品和蛋糕，但今日小店好生意，三款肉类三文治都卖光了，呜……全牛油果三文治 Healthy ($42) 系将全个牛油果放在厚切方包上。牛油果好香滑，方包就皮少少香脆，包身软熟，简简单单加啲黑椒就好好味，like!饮品选择多啲，有黑啡、奶啡、特饮和心情限定。在心情限定系列中拣咗杯伯爵渐层咖啡 Dirty Earl Grey ($50+$5转杏仁奶），原来以咖啡、杏仁奶和伯爵茶奶冲成，味道平均，既有香浓咖啡味，亦有伯爵茶幽香，饮落甘甘苦苦，好醒神！