又一間餐室

营业中

休息中

今晚系屋企楼下买外卖，叫咗照烧牛扒饭，等咗十五分钟，拎到返屋企一打开睇，点解同平时唔同嘅，Ｄ扒细块之如仲干＂争争＂，一食就知唔对路，系猪扒黎嘅，我真系掯唔落，一怒之下，成碗包返，攞去换！入到去，同个男侍应投诉，佢揭开睇，都唔肯定，有一四眼女侍应拎去问厨房，个厨望咗下话系牛扒，四眼女侍应又拎返出黎，我叫佢试一下，佢唔理我，咁我就自己拎去叫个厨试，试完都话系猪黎嘅，我叫佢同楼面个女人讲，跟住我话＂次次叫亲外卖，次次都错＂个四眼女人好冇礼貌咁答＂次次都错咁你就唔好黎买啦＂，我话＂你估我好想黎买呀！＂＂个厨跟住走出黎话帮我煮过，又反口话系腌料问题，我都唔理咁多，要佢煮过，个四眼女人竟然叫个厨唔好理我，由得我去投诉㖞！如果可以，我真系想去食环署／消委会度投诉！咁个厨又冇理佢，煮过比我，我怒气冲冲咁拎住出门口。我系度呼吁珀丽湾嘅居民，唔好再帮衬呢间服务咁差劲嘅又一间（系一出码头𠮶间），佢哋如果唔系靠班居民，一早已经执咗笠啦！