影片
更多
2010-02-09
11 浏览
本来谂住同老婆好好庆祝情人节及拍拖纪念, 上openrice揾日本放题, 好似系观塘的外野手好好咁, 就订左8.30pm, 点知换尼一肚火…话说我地果晚响apm行左一轮又买左好多年货, 拎住几大袋野, 好重, 谂住早d去坐低休息下, 8.05pm就去到, 点知个四眼女侍应话一定要8.30pm先可以入座, 叫我地出去四围行下先, 我地出左去行唔够1分钟见到周围都系工厂大厦, 点行25分钟呀??? 唯有再入去问下可唔可以坐低但唔落order住啦, 入到门口我地都未出声, 个四眼女侍应就已经话:“真系未够钟入得, 你地8.30pm先再尼啦!”“你地间舖周围乜都无, 我地点行25分钟呢? 我地仲拎住几大袋野㖞, 你地睇下, 好重㖞…”“我地未清场㖞…”“成间舖得一枱客, 其他位碗筷都放好晒, 你地仲清咩野场? 我地只系想坐低, 唔落order住未得啰.”“我地真系要清场㖞…” (望都唔望我地, 扮执枱, 其实张枱上面的碗筷已经放得好整齐, 枱面亦好干净)“我地只系坐低都唔得???” (完全唔明理由)“你地自己去问经理…” (要客人自己去问, 边位系经理呢???? 而佢继续扮执枱)“我自己去问?
话说我地果晚响apm行左一轮又买左好多年货, 拎住几大袋野, 好重, 谂住早d去坐低休息下, 8.05pm就去到, 点知个四眼女侍应话一定要8.30pm先可以入座, 叫我地出去四围行下先, 我地出左去行唔够1分钟见到周围都系工厂大厦, 点行25分钟呀??? 唯有再入去问下可唔可以坐低但唔落order住啦, 入到门口我地都未出声, 个四眼女侍应就已经话:
“真系未够钟入得, 你地8.30pm先再尼啦!”
“你地间舖周围乜都无, 我地点行25分钟呢? 我地仲拎住几大袋野㖞, 你地睇下, 好重㖞…”
“我地未清场㖞…”
“成间舖得一枱客, 其他位碗筷都放好晒, 你地仲清咩野场? 我地只系想坐低, 唔落order住未得啰.”
“我地真系要清场㖞…” (望都唔望我地, 扮执枱, 其实张枱上面的碗筷已经放得好整齐, 枱面亦好干净)
“我地只系坐低都唔得???” (完全唔明理由)
“你地自己去问经理…” (要客人自己去问, 边位系经理呢???? 而佢继续扮执枱)
“我自己去问???????”
“咁你地出门口企下等下先啦….”
“你地成间舖得一枱客, 咁多位, 都要我地出门口企? 你肯定我地8.30pm前唔可以坐低? 如果系咁, 你地cancel我地booking, 我地唔会帮衬你地喇….” (一肚气…)
事隔5分钟, 真系好想问过究竟, 再打俾外野手揾经理问清楚…
“可唔可以请你地经理尼听?”
有个姓龚的小姐尼听
“我想问下我地系订左8.30pm, 头先尼过你地舖头2次, 但你的同事都话要8.30pm先入得, 我想问下点解呢? 其实你地系有好多位, 而我地又拎住几大袋野, 连坐都唔得???”
“我地d同事要执好个场, 咁未必有时间招呼你地”
“其实你地间舖所有枱已经执好晒, 我地只系想坐低啫, 都唔得?”
“都系怕招呼唔到你地啫”
“我地就算坐低都只系要一杯茶, 咁都招呼唔到?”
“咁我地都要帮你地斟下茶既…”
“斟个茶都唔得? 我地唔落order你地无野要招呼我地㖞…”
“咁都要招呼下既…” (都唔明要招呼d乜, 跳part舞唱首歌俾我地咩???!!!!)
“你的同事见我地拎住几大袋野都要我地出门口外面等, 我系客, 我唔明点解你的同事好似当我地尼乞食咁, 尼求你地俾个位我地坐下, 我唔知佢的原意可能系叫我地等等定系咩(我仲要帮佢地揾埋藉口), 但系佢的态度真系好有问题, 好似赶我地走啰…”
“咁佢的态度系掘左d”
“你地咁既餐厅我唔会再尼帮衬…” (收线)
好地地一餐庆祝饭, 就搅到成肚气, 仲要拎住几大袋野周围揾食, 呢d咁既餐厅d野再好食都唔洗旨意有人尼帮衬!!
张贴