隨您鍾意 (已結業)

呢间餐厅既食物质素系度唔多讲,因为咁既价钱食物好极有限!反而佢地既态度真系愈来愈过份,我每次去都系买外卖,所以都系企门口个肥仔招呼,呢位"肥哥哥"真系犀利,我唔明点解佢仲可以继续做,佢十次有九次计错数,问佢计少咩,佢就话话计少几件寿司,转头再问佢,就话系计少咗刺身,总知就系计少咗,要俾钱,只系遘唔好意思...好嗱,到佢计啱钱时,就系我返到屋企,发觉少咗几件寿司之时,我打落去投诉,佢就话:"系咩..唔好意思,你落嚟攞返,或者下次补返俾你",仲有一次买外卖,转头返去佢话未得,叫我等等,到我见身边既人都攞哂外卖时,佢先帮我追份外卖,点知原来份外卖一早出咗,放系佢前面个刺身柜度,呢个时候佢都系例牌𠮶句:唔好意思",次次唔系错呢样就系错𠮶样,忍得佢一两次,而家真系忍无可忍,同佢地投诉都无用..请问有无人知呢间餐厅系边间集团?有无网址可以投诉?many thanks!!!