影片
更多
2009-09-02
32 浏览
我们定了六时半，六点三由我屋企起行，原来间酒楼个位置离屋企都几远，要穿过海港城，上一个平台，穿过去再落番一层，唔知点样左转右转先去到后门，去到迟咗刚好七、八分钟。个知客话我地迟到，张枱已经卖咗俾人了。佢仲好寸咁话：「我啲同事中午打电话同你哋覆枱已经讲明唔可以迟 o架啦，迟一分钟我地都唔 hold 枱 o架，lee 啲系公司规矩，我都冇办法！宜家冇枱了，你哋从新排过队啦！」吓？唔系呀嘛？咩嘢规矩呀？大酒店都会 hold 枱十至十五分钟啦，如果真系咁 straight forward o既，一有人唔准时就买枱，仲驶鬼同我哋覆枱咁多此一举吖！我姑仔话佢哋 confirm booking o既时候跟本冇讲过唔迟得，如果有讲，我哋六点钟就行人啦，一家大细十一人㖞，点会揾自己嚟玩吖？个知客黑口黑面，一味话唔关佢事，系公司规矩，但系啲态度直情可以用臭寸嚟形容。我哋揾个经理同佢理论，佢啲态度就好好多了，但系真系冇枱，都帮唔倒啲咩。原来我大叔仔话佢嚟到其实仲有枱 o架，但系个知客唔俾我哋，一味话我哋将枱已经卖咗，讲多两讲，所有空枱都冇哂了！鬼咩！我哋又唔系熟客，过时过节又冇整过佢，佢睬我哋都儍啦！个经理
个知客话我地迟到，张枱已经卖咗俾人了。佢仲好寸咁话：「我啲同事中午打电话同你哋覆枱已经讲明唔可以迟 o架啦，迟一分钟我地都唔 hold 枱 o架，lee 啲系公司规矩，我都冇办法！宜家冇枱了，你哋从新排过队啦！」
吓？唔系呀嘛？咩嘢规矩呀？大酒店都会 hold 枱十至十五分钟啦，如果真系咁 straight forward o既，一有人唔准时就买枱，仲驶鬼同我哋覆枱咁多此一举吖！
我姑仔话佢哋 confirm booking o既时候跟本冇讲过唔迟得，如果有讲，我哋六点钟就行人啦，一家大细十一人㖞，点会揾自己嚟玩吖？
个知客黑口黑面，一味话唔关佢事，系公司规矩，但系啲态度直情可以用臭寸嚟形容。我哋揾个经理同佢理论，佢啲态度就好好多了，但系真系冇枱，都帮唔倒啲咩。原来我大叔仔话佢嚟到其实仲有枱 o架，但系个知客唔俾我哋，一味话我哋将枱已经卖咗，讲多两讲，所有空枱都冇哂了！鬼咩！我哋又唔系熟客，过时过节又冇整过佢，佢睬我哋都儍啦！个经理就叫我哋等下，等佢去安排下㖞！但系等几耐？佢都唔知㖞！
𠮶阵时个个都啱啱坐低，起码都食到八点几啦，我哋十一人，仲有几个系老人家，唔通真系等到第二轮呀？立即兵分两路，试下去第二间揾位，好彩揾倒第二间仲有位，仲唔走头咩？
我姑仔话海港啲嘢食真系好食啲，所以跟本唔忧做，唔怪得知可以咁寸啦！
我唔会叫大家唔好去，但系如果你地真系 book 咗𠮶度，就真系千祈要有早冇迟了，唔系就好徬徨 o架了！今时今日，咁 o既服务态度……。
张贴