影片
更多
2024-04-20
12166 浏览
尖沙咀区，仲要系广东道黄金地段，从来印象中都系高档，所以贵价都预咗⋯⋯点知唔系平贵嘅问题⋯⋯谂落佢都唔系贵⋯⋯一到埗，想去洗手间🚻，一问之下，原来外访客系要去六楼，唯一一个地方先至有，就算一楼咖啡厅都冇㗎！咁⋯⋯系咪吋金尺土之故？？即系在大堂等候至入席前要去洗手间就要先上去六楼，然后用餐期间或过后，都要往六楼过访一下。今晚我系去马可孛罗酒店一楼嘅咖啡厅品尝传闻中嘅「花胶鲍鱼滋补自助晚餐！任食花胶扒龙虾🦞！⋯⋯」在网上宣传是这样的，结果却是告之是限量，都只能是一份而已。谁的手误？？我觉得有啲失望吖。鲍鱼就唔多觉眼，可能系喺盅汤里面，红枣虫草花瘦肉螺头（有螺头仲会唔会落鲍鱼呢🤨？！），亦可能系我少见识嘞。汤渣除咗一条条嘅虫草花就乜都切到一粒粒，螺头同鲍鱼（如果有）都好难分！个汤可赞之处虫草花好滑⋯⋯滚烫热辣⋯⋯非常新鲜咁，一定系高热保温。至于花胶扒龙虾嘛⋯⋯用个分配到嘅精致木牌换来一兜，有两粒西兰花🥦，睇咗好耐，系啲酱汁中系明显见到有花胶，𠲖⋯⋯龙虾呢～哗！箝状物⋯⋯原来佢俾咗我一个龙虾箝（系原型㗎）！入口⋯⋯！唔⋯⋯唔系几啱口味⋯⋯可能各人有各人喜好吧。各供一份，不过，我一份都冇食完，太
一到埗，想去洗手间🚻，一问之下，原来外访客系要去六楼，唯一一个地方先至有，就算一楼咖啡厅都冇㗎！咁⋯⋯系咪吋金尺土之故？？
即系在大堂等候至入席前要去洗手间就要先上去六楼，然后用餐期间或过后，都要往六楼过访一下。
今晚我系去马可孛罗酒店一楼嘅咖啡厅品尝传闻中嘅「花胶鲍鱼滋补自助晚餐！任食花胶扒龙虾🦞！⋯⋯」在网上宣传是这样的，结果却是告之是限量，都只能是一份而已。谁的手误？？我觉得有啲失望吖。
鲍鱼就唔多觉眼，可能系喺盅汤里面，红枣虫草花瘦肉螺头（有螺头仲会唔会落鲍鱼呢🤨？！），亦可能系我少见识嘞。汤渣除咗一条条嘅虫草花就乜都切到一粒粒，螺头同鲍鱼（如果有）都好难分！个汤可赞之处虫草花好滑⋯⋯滚烫热辣⋯⋯非常新鲜咁，一定系高热保温。
至于花胶扒龙虾嘛⋯⋯用个分配到嘅精致木牌换来一兜，有两粒西兰花🥦，睇咗好耐，系啲酱汁中系明显见到有花胶，𠲖⋯⋯龙虾呢～哗！箝状物⋯⋯原来佢俾咗我一个龙虾箝（系原型㗎）！入口⋯⋯！唔⋯⋯唔系几啱口味⋯⋯可能各人有各人喜好吧。
各供一份，不过，我一份都冇食完，太、太、太唔啱口味！抱歉。
佢有蒸鱼㗎，佢一出炉，热辣辣摆上枱，我就夹咗一片鱼肚连鱼较，谂住⋯⋯点知⋯⋯，不过胜在够实肉！安全⋯⋯好熟！
呀⋯⋯唔系，佢都有嫩得似血淋淋嘅烧牛肉嘅⋯⋯
有冇其他生食，有，鱼生⋯⋯都配合各人有各人喜好嘛。
西瓜我觉得唔多甜，鲜菠萝系新鲜嘅，保留原有果酸味。
其他甜品系有嘅，一小件一小件各式蛋糕，可以一口一件，唔使食唔哂浪费。
埋单好彩有优惠，如果唔系，⋯⋯
可能我已经唔适合呢个类嘅自助餐，个胃⋯⋯闷住闷住⋯⋯。
所以为自己好，都唔会打算再帮衬啰。
张贴