影片
更多
2024-04-21
4339 浏览
我真系极少会影低相写食评，今次真系第一次！ 本身见间铺装修都几新，谂住去试吓。。我同个仔一齐去舖头门口，谂住book定位， 我个仔只不过系三岁，咁我就问职员佢使唔使收钱，佢就话应该唔使！ 咁我就book一个钟头后去食！ 咁等齐一家四口入座，咁佢突然又话要我个仔度高，咁的而且确佢系写明90 cm以上要收费，我个仔落去的确系91-92 cm, 咁我见我又book咗位，人哋又写得好清楚90 cm以上要收，咁就算啦，照入去食！ 点知真系濑晒嘢。。 我哋拣咗Level 3， 首先职员态度极恶劣，好似我哋入去乞食咁， 食放题最大忌，叫咗唔嚟，我哋成晚落咗三次单，都系有啲嘢会到有啲嘢唔到，我哋追到费事追！ 总之就系靠运气！ 我都买咗单俾埋钱，有三碟牛肉先到！ 我同职员讲都买咗单，点知个职员仲串返我食放题点咗就会到㗎啦，买咗单啲嘢食都会照嚟㗎！ 顺带一提，佢话100分钟放题，佢20分钟之前就截单唔俾你点嘢食！ 即系依碟牛肉，我最起码系20分钟前点嘅，我点谂到咁好彩依张单有落到得㗎！ 真系想同个店员say个sorry！ 老实讲，嘢食种类系算多！ 但系全部好似垃圾咁，啲熟食系冻嘅，最好食反而系个新竹米粉
点知真系濑晒嘢。。 我哋拣咗Level 3， 首先职员态度极恶劣，好似我哋入去乞食咁， 食放题最大忌，叫咗唔嚟，我哋成晚落咗三次单，都系有啲嘢会到有啲嘢唔到，我哋追到费事追！ 总之就系靠运气！ 我都买咗单俾埋钱，有三碟牛肉先到！ 我同职员讲都买咗单，点知个职员仲串返我食放题点咗就会到㗎啦，买咗单啲嘢食都会照嚟㗎！ 顺带一提，佢话100分钟放题，佢20分钟之前就截单唔俾你点嘢食！ 即系依碟牛肉，我最起码系20分钟前点嘅，我点谂到咁好彩依张单有落到得㗎！ 真系想同个店员say个sorry！
老实讲，嘢食种类系算多！ 但系全部好似垃圾咁，啲熟食系冻嘅，最好食反而系个新竹米粉，同个甜品豆腐花！ 最差最差最差最差就系个麻辣汤底，好似加咗两粒辣椒嘅水咁！ 我问过店员可唔可以加辣，个店员好好笑咁样答我，可以去外面攞指天椒自己加😂 。。 最讽刺嘅系佢隔篱舖就系方叔叔麻辣火锅，真系天同地比。。 就好似嘲笑紧我嘅天真及愚昧！
我两个大人，一个小朋友，加多一个91 cm嘅小朋友，埋单总共$1350。。 两日前我去Hyatt 食自助餐， 5个大人，一个小朋友 再加一个91 cm嘅小朋友 。。 总共都系$3000， 我唔明白今时今日点解仲去到佢生存？
张贴
