桃園制作粥麵餐廳 (迎海薈) (已結業)

放假入马鞍山揾姊妹食饭，由于唔想食得咁heavy, 于是嚟咗呢间，虽然门口仲有2，3枱等紧，但可能我们只得2人，所以只系等咗一阵就入得。入到去，原来有好多位，仲系已经执好枱，咁点解仲要客人喺外面等哩？我们2个人，点了一碟炒饭和一碟松子鱼。炒饭先到，但是没有匙羹，枱面上的餐具箱内亦没有匙羹，只有筷子和叉，当然是要向侍应生索取㗎啦。好不容易才找到一位女侍应，在向她表明需要匙羹之后，她二话不说，即刻走到后面张枱，整个餐具箱一嘢拍在我面前，然后走开，整个过程只需约2秒钟，她没说出一句话。哗，要只匙羹啫，都唔使咗挂，之后我们自己放番个餐具盒去后面枱啰。碟饭都okay, 唔算油，瑶柱海鲜炒饭材料都足，有虾(虽然唔多新鲜)，食落冇虾味，虽然预咗系雪虾，但是肉质好似被梳打粉乸过咁，冇味。有带子，虽然细细粒，但都有咬口，比起d虾好，而且仲有唔少添，都算唔错。条松子鱼都炸得可以，脆酱唔算厚，仍可保留鱼嘅鲜味，皮是脆口而鱼肉都保持嫩滑水份，很喜欢。不过服务态度咁样，相信下次应该会先选择其他餐厅喇。