桃園制作粥麵餐廳 (迎海薈) (已結業)

一入門口已經冇人招呼.攞咗飛先發現裏面一早又幾張四人檯, waiter 先慢條斯理咁帶我入去角落個偏僻位.可想而知,嗌落單舉手都要等5分鐘,都算啦.一點十五分叫個正常午餐通菜牛肉飯, 一點三十三分先到, 係咪落咗街市買通菜!? 上菜個碟仲要勁污糟, waiter已經黑口黑面. 都唔提座位同檯面既「乾淨程度」. 可以講有得揀唔會食呢間嘢!影衰晒個集團.

等待半小時後才告知沒能出餐 浪費等待時間又食唔到 服務員亦只想要求我換第二個餐或退錢 態度極不誠懇而且一心想打發我走 沒有聽到任何一句有道歉之意既語句 第一次外賣已體驗極差

又係留家抗疫買外賣~ 呢間Momo 最近推出咗特價外賣小菜+炒飯, 每款HK$48~ 可以預先打電話落單, 之後過嚟攞 今日試咗佢西蘭花炒魚柳, 蝦醬通菜炒牛肉, 黑松露叉燒粒炒飯 三樣都算唔錯 最好係通菜炒牛肉, 魚柳同埋牛肉嘅份量都好多 (仲多過啲菜🤭) 炒飯就有黑松露味嘅, 不過同advert有啲出入, 因為黑松露飯正常應該唔會加老抽, 但佢呢個炒飯就好明顯重色 🤔 初頭check外賣嗰陣仲以為佢畀錯咗添 😅而家間間餐廳都要搶外賣生意, 所以都會做減價吸客。Momo 以呢個份量, 質素, 價格嚟講, 想食小菜嘅時候會再幫襯嘅

今日下午5點幾諗住是但買個炒河同白飯。去到呢間店見冇咩人客諗住都快問門口個姐姐有冇餐牌睇下佢就叫我睇出面放係枱面既外賣紙睇左一輪見冇炒河粉既嘢我問姐姐冇冇炒河粉，佢話有咁我就要乾炒牛河再加一個白飯諗住比錢，啱啱有食客出嚟比錢我就等下啦點知一等就等左差不多10分鐘有多個姐姐起咁幫個客揾啲大面額既單據個客又好似逢至咁睇住攞左超過5-6張單據好啦我面前有個外來客一支箭咁入去座左係度睇餐牌大佬丫，唔係要量體温咩到我外賣到，佢地有留打白飯到我比錢，我同佢地講唔洗量體温咩佢先知係喎要量體温比錢要成70幾蚊原來炒牛河要60幾蚊價錢唔緊要，不過到講一講個價錢係正價我真係祝佢地呢個集團生意興隆客似雲來

桃園制作粥麵餐廳裝潢比較復古 燈光柔和環境舒服靜靜地好岩同朋友傾下密計依間餐廳都有唔同既菜式 可以迎合唔同口味既客人價格亦都好親民仲冇加一麻辣版雞煲 以正宗川式烹調 將雞件加入乾椒及紅尖椒角去調味 麻辣味好香 不過辣味不足雞件都唔太入味 唔夠濃郁 蕃茄濃湯鮮牛肉麵我轉左米線 再配埋炒滑蛋+腸仔+蒜香牛油厚多士+熱飲 成個set都係只需$50 不過一分錢一分貨 價錢便宜 不過個味道就比較淡 冇乜蕃茄味同埋米線偏硬不過店員細心叫汽水會自動加埋冰底

外表同個樣都好有霸氣， 熱辣辣噴哂煙，份量多， 而且陣陣既薑蔥味，聞到已經想食， 可惜雞件肉質又韌又鞋， 難以齒開， 食到牙骹都軟依個魚香茄子煲其實唔係第一次點， 今次有別於之前既體驗，可能最近行聚令既關係， 客人明顯少左， 廚師專心煮菜之下， 可以話色香味都有， 茄子煮到剛剛好， 僅僅保留反茄子皮係紫色， 味道唔會太鹹， 有芫茜點綴一下， 感覺亦唔會太油膩細細個燉盅， 材料十足， 不過餐牌上冇寫明係咩燉湯， 估計唔會次次同一種，但套餐+15蚊就有，仲想點？

叫左二人餐有兩餸兩飯，煎肉餅未試過一於試試，黎到大件抵食，香口多汁，但肥肉太多，食得多好漏。另一個霸王雞煲蔥油蒜頭好香，煲夠熱，雞唔會變凍，但雞就唔夠雞味，凍檸茶少甜真係有少甜臨尾食唔哂打包服務週到

烏溪沙站附近食店選擇唔多，今日有啲喉嚨痛，突然想食啲粥，呢間有粥，就食你啦。生菜肉丸豬潤粥豬潤唔腥喎，爽口，粥底都幾綿，肉丸彈牙，好多生菜絲令個粥鹹中帶甜，無咁鹹加配左混醬腸粉，蒸腸粉質地唔淋喎，反而仲彈牙煙韌，唔易散開，甜醬加埋麻醬花生味濃，混醬食先夠味招牌四寶麻酸辣湯米線湯頭麻味重，有花椒油香，牛丸、貢丸彈牙，魚片爽口，豆卜吸晒味，米線爽，唔錯滷肉燥香煎豬扒蛋飯豬扒大塊又淋身，半熟蛋加埋滷肉燥拌飯食好味熱奶茶茶味濃，香滑

屋企樓下既桃園今次食一人晚餐環境格調比較昏暗周槽感覺又好似唔係好乾淨感覺都係一般連鎖茶餐廳咁樣本身都無乜期望，諗住隨便食個飯，都應該係差唔多咁既味打開餐牌見到啲小菜啊個啲連飯同湯要加成廿蚊去到八九十蚊就諗住一條友嗌個碟頭飯算見到有個「黑松露叉燒粒蔥花炒飯」，又幾吸引，$65又唔貴，就試呢個上菜有少少耐不過個飯黎到個賣相已經好唔錯睇得出係炒得夠乾身，廚房有功架食落個黑松露味岩岩好，唔會好over但又出奇地同個叉燒同埋蛋炒飯幾夾成碟食哂，好好味 🤩

放假都好充實，一早做咗好多家務，安座家中等女朋友起身，等陣一齊落去沙田行街，帶佢去揀佢嘅聖誕禮物，見佢瞓到好冧唔騷擾佢等佢自然醒，我之後好快手做多少少公司野，佢都依然唔起身，原來佢有啲發燒，第一時間打電話約時間睇醫生先，同佢睇完醫生去附近食少少野先至食藥，如果唔係會胃痛，病人最好係食粥，上次喺桃園食嘅粥非常好食，又要帶佢去試吓，雖然而家應該冇咩胃口，瑤柱蠔豉豬骨粥，一碗粥好重份量，好香濃嘅蠔豉味，粥細軟綿綿，套餐中包括一碟炒麵，我勁鍾意食

天氣凍凍地，今年好似比平時凍，做乜嘢都提唔起勁，所以嘅嘢偷懶唔番公司，但係一瞓就瞓咗10幾個鐘，證明我真係好鬼攰，唔知係咪瞓得多得滯，個頭有少少赤赤痛，又有啲暈又想嘔，唔知做乜鬼，起身食兩粒感冒藥先，之後梳洗一下，就落街食啲嘢，唔舒服冇咩胃口，最好就係食粥，之前嚟過呢度幾次都係食小菜，但係其實我見到好多人叫粥食，一於試吓瑤柱蠔豉豬骨粥，材料好豐富，入面仲有好多花生，放耐咗都唔會有生水嘅情況，證明真係煲到開花至棉，套餐仲要包括炒麵或腸粉，我揀咗要炒麵，炒得唔錯夠乾身

話說呢排凍冰冰 ，🥶又好想食酸辣野，大家都知馬鞍山無咩好食既餐廳，來來去去都係嗰啲，所以就openrice 搵下有咩好餐廳，唔錯喎呢間真係，又有羊腩煲，仲可以好似火鍋咁加配料，另外仲有雞煲，酸菜魚，炒小菜，雲吞麵，腸粉都有等等，都算又選擇，由於我哋人數唔多，唔可以咁貪心叫晒，今次揀左呢個都好食架～另外叫飯同野飲👍🏻價錢又合理，環境又乾淨，餐廳係迎海商場入面😝我哋兩個人都有卡位坐，下次一定會再黎試其他野！🤗

呢排都好黐家，雖然自己有車但係要出街都唔容易，所以呢排幫襯樓下嘅餐廳嘅次數，應該多過晒住喺馬鞍山呢幾年，食嚟食去都係覺得前度買外賣呢一間比較啱我口味，甚至連現任女朋友都話好好食，今日試吓鴛鴦扒焗飯，唔好諗住焗飯就要等好耐，我等左大約6分鐘左右就有得食，焗飯入面有一隻溫泉蛋，我從來未試過咁嘅配襯方法，雞蛋仲係流心，有啲食緊窩蛋牛肉飯嘅感覺，但係牛肉變咗做雞扒同豬扒，飯底有少少飯焦煙煙韌韌，唔係太多汁冇咁肥比較健康

琴日屋企樓下食完，今日放工心思思想再食，自動投案同現任講⋯⋯前度女朋友買過外賣俾我⋯⋯好好食⋯⋯幸運地現任通情達理，知道過去就係過去，無怪責過，我對耳仔保得住，即刻有衝動娶佢做老婆，有智慧嘅女神唔易搵，突然覺得自己好幸福麻辣烤魚叫多兩碗飯啱啱好，魚好大條肉又多，麻辣香唔太濃屬於BB辣，因為女朋友唔係太食得辣，唔想佢食完辣唔舒服，呢種佢接受得到嘅辣，應該之後可以帶多佢過嚟幾次，烤魚入面有冬菇，佢好鍾意

返到屋企諗起自己家徒四壁，又攰又肚餓，落樓下極速食個快飯就返屋企，平時好少屋企附近食飯，一支公唔想食茶餐廳，記起前度女朋友買過嘅外賣有邊間好食，當中呢間外賣唔錯，就去商場搵松子菊花魚印象好深刻，條魚完全起骨，唔需要怕有骨又軟又滑，個汁酸酸甜甜好開胃，加$20有營養飯+茶樹菇燉湯，有蟲草花，茶樹菇，唐排，紅棗，杞子，老實講一句好需要湯水，我飲到一滴不留，冇味精唔會飲完口乾，今餐好滿足，我以後知道留下有咩好食。