三希樓 (利舞臺廣場)

营业中

休息中

今晚约咗母亲撑枱脚, 佢话想食依间，佢之前晏昼饮过茶食点心都唔错，但未试过晚饭，这𥚃又有环境有view 地方都大, 咁就下佢试吓啦….预先订咗枱，今晚其实都见几旺㖞都大约有八成半满，但佢唔想食川菜唔想食辣嘢🤪😂所以叫返粤菜🤣叫咗只炸子鸡，一个鲍汁鸡脚、白肺汤同埋一个担担面炸子鸡炸得几好食，担担面真系太杰，但味道系正常OK嘅，鲍汁鸡脚都正常发挥啦，白肺汤好味冇沟水。见隔篱左右都打边炉或者食川菜好似几好味⋯⋯食物质素正常中上，埋单连酒水茶介$720，但系原来我阿妈有张$100 coupon，所以$620 。铜锣湾食嘢差唔多啦⋯⋯跟住佢地又俾返一张新嘅$100 coupon😂店舖职员全部都打仔格… 型😂但系好有礼貌，下次我自己会试吓下昼食点心或者川菜。