吃什麼 (已結業)

想到今晚吃什么，吃什么应该可以帮你解决。葱油拌面不嬲都系我嘅最爱，今次都无令我失望。鸡扒炸得非常香脆，咬落去唔会太干，而葱油拌面份量都算大，拌面面头加上炸干葱以及葱花，加埋少少汁系底，捞埋嚟食非常香。皮蛋豆腐系我见到隔离枱叫，实在太吸引人，所以自己都叫咗碟。佢有别于平时食到嘅麻辣豆腐。咸咸甜甜嘅汁，面头再加上木鱼碎，食落有少少似日式豆腐嘅感觉。盐酥鸡同鸡扒味道好似，虽然都好好食好香脆，但建议如果叫咗鸡扒面就唔需要嗌盐酥鸡，可以试吓其他小食。甜不辣识落非常有咬口，亦都唔会太咸，做小食都相当唔错。