雅士餐廳

营业中

休息中

好耐无嚟过，但今晚想食扒，又惊佢会疫情期间改咗营业时间，所以打去问咗，点知佢地照常营业至晚上11点。呢度装修一向都充满欧陆风格，好似啲欧洲小屋咁，好有情调，今晚唔太多人，静静地几舒服。呢度除左罗宋汤、忌廉汤之外，仲有周打鱼汤。佢个周打鱼汤系几好味，里面真系有鱼肉食到架！另外汤的表面上放著一片梳打饼，几特别！食落都好夹！个包其实都好食，但印象中好似细左好多甘。希望系我记错🤔纽西兰西冷牛扒我唔要薯条改全蔬菜，佢地都可以(试过某啲店系话唔得架下)，配上烧汁，望落去都好似好好味咁。食落好香牛味，系有部份有少少un，但我都接受到嘅！而牛嘅香味足以盖过一切缺点🤣什扒餐只虾几正呀～有惊喜！猪扒都唔错，但鸡扒就唔太理想，牛扒就似快餐果种啦！大家明白就够了！最后仲有饮品同甜品(提子啫喱)，系好传统西餐嘅配套！总结牛扒系会encore的，下次可再试安格斯西冷牛扒，都系差$50姐。