新東記火鍋店 (已搬遷) 新店位置

又有farewell，同事book左新东记打边炉。成枱十几人分左3个煲，唔辣既拣左洋葱牛肉汤，花雕醉鸡汤底，食辣既朋友就拣左四川麻辣汤底，都话左小姐唔食辣架啦，所以坐左系醉鸡汤前面＝］汤很浓，酒味够香，鸡件又滑唔会太肥腻，正！叫左劲多配料，紧系啦老板资助丫麻，贪心啲要埋刺生，先黎个必食既象拔蚌，超级新鲜爽口，每片都切得好薄身,再叫多个龙虾刺身，哗雪白既龙虾肉铺左系冰上面真系无肉仿有肉咁。一片放入口，即刻溶化，鲜甜既海鲜味涌出，好正。打边炉点可以无牛肉，叫左个鲜嫩肥牛肉，每片既雪花都好均匀，成件艺术品咁。只需系汤入面渌5秒，立即变色得左。无需任何酱料，牛味劲出，呢一刻我把持唔住，渌多一块。牛味黎讲，呢个牛白肉先系皇者。唔讲唔知呢碟系牛，外形似脂肪好软滑，其实系接近牛胸的软骨位，质感爽脆又唔会油腻，非常之特别。另外仲有珊瑚蛘，膳片，菜，午餐肉，飨铃，菇，仲有即即鱼面，好弹牙呀，又好玩。叫到成枱都系食物真系食得好满足，最高兴既系食物质数颇高，对于新鲜食材既餐厅真系要一赞。题外话，呢个酱料架每人要俾廿蚊架，算系咁，大部分配料都齐，几架势。