廣東燒味餐廳 (已結業)

　　写呢篇食评之前，睇到前人嘅感受，吓亲，好彩呢晚无遇上之前嘅状况。　　收工成十点钟，个肚打晒鼓，有理无理即刻冲入去医肚啦。　　估唔到咁夜都咁多人，八成枱有客。　　叫咗个烧肉叉烧饭，除咗本身肚饿，放乜入口都格外美味之外，呢一晚嘅烧味实在比平时出色。　　叉烧肥瘦适中，啱我口味𠮶只；另外嘅烧肉亦都系，唔会成旧都系肥糕，最估唔到系夜晚十点几，啲烧肉嘅皮仲系脆卜卜！　　碟饭 HKD33.00；冻饮 HKD15.00，尖沙咀嘅地段，加上呢晚嘅食物质素，系抵食嘅一餐。