廣東燒味餐廳 (已結業)

食燒味，只要一食叉燒就知道間鋪既功力，還想食燻蹄，就點了叉燒切雞飯，加杯奶茶。飯未到，先睇價錢，雙拼$58 + 凍飲$9都嚇一跳，價錢已超越太興.....唔緊要，可能味道出色。飯o黎到，相頭正常，先食條菜芯，大佬，凍o既，浸一浸熱一熱都好啦....冰震菜芯咩....推埋一邊，再食雞胸，算你一般。不過都幾鞋，算....再食叉燒，我三十幾歲人，食叉燒食到老人家咁，硬到不得了。幾驚咬時牙都拉埋出黎....最後食左兩舊，再用有錢佬食鵝方式，放入口，咬爛晒，吸晒啲汁，吐返出黎.....我終於明白，這等價錢，並非因為好味，而係呢度已轉型成專做大陸人生意既餐廳，啲大陸人食完就走，都唔會返轉頭....以後還是乖乖去太興等位算了太興再貴，但好食

早上，在尖沙咀工作，晨早起來，肚子十分空虚，於是獨自去食個早餐，填飽肚子。走到去尖沙咀廣東燒味，舖裏的人客不多，隨便找個座位坐下。 今次嘗試了沙爹牛肉配搭煙肉。隨便點了一個出前一丁麵，拍檔是沙爹牛肉，加多個厚好多士及炒蛋，早餐很快便到來，好明顯出前一丁公仔麵味道不容有失，沙爹牛肉味道都算香濃，但是厚多士比想像中的沒有那麼厚。現在，在尖沙咀吃個早餐，已經需要34元了。

差劣的旅客特別餐牌已經非常不好, 燒味雙併僅得四舊燒肉和六塊叉燒連白飯過百, 講法文西班牙文就一定唔係本地人等招呼?問服務員點解咁貴, 原因係料係上盛的, 但無論賣相味道香味份量, 任何一樣都係一般的級數. 服務方面都好差, 收咁貴問多兩句就粗聲粗氣, 黑口黑臉, 帳單也不清不楚, 價錢似是漫天開價.味道方面, 燒肉很差滿是肥膏, 叉燒相反得全瘦肉, 一個好油膩一個好硬, 飯又乾又硬, 非常不值!

為方便, 唔理有咁多負評, 點知中哂蕉!!!叫了燒鵝飯, 但食落似燒鴨飯, 而且, 飯異常地濕,鴨(so call 鵝) 的皮"冧"哂, 骨多過肉, 呀姐態度又差,咁既價錢仲要受氣, 係咪尖沙咀D鋪租貴到D人都......bad experience...no next time....

同阿麻去食，我叫乳豬雞飯，size 細D都算拉，尖咀鋪租貴，但我阿麻叫碟豆腐火腩飯D燒肉全是肥膏，點食呀，舊舊都係肥膏，我都知火腩飯一般都用下欄野，但唔洗下欄成咁呀，同阿姐講點解咁肥既，全無反應，下次唔洗旨意我幫親

經團購買了金馬倫道廣東燒味餐廳的金牌燒味雙併套餐。 套餐包括燒味雙併飯及熱飲/例湯...... 端上來的燒肉鵝飯亦頗像樣，青红蘿蔔湯亦頗足料，正慶幸得此優惠間突然發現清茶中有小飛蟲! 我認為這只是偶爾小蟲誤堕杯中，尚可原諒，便通知服務員，那知她二話不說，拿了問題水便走，不久即遞了另一杯水給我，並即轉身離開，尚欠我一聲道歉，一個解釋，悔不當初，沒有將水中的小蟲拍攝下來，她走運了。算吧，反正她這做法未必屢試不爽，我不如欣賞面前美食吧...... 不！燒鵝燒豬的皮竟是韌的! 難為那邊卡位的老外還要了半隻燒鵝...... 沒有了，香港美食天堂這聲譽.....

三個人原本想搵間地道d既荼記食過快靚正既晚餐, 好可惜我地入左一間不知所謂既荼餐廳 !食物差, 服務差, 同價錢不成正比 !話說我地叫左三個鐵板餐, 其中有兩個朋友想轉食其他小菜, 咁就問亞姐轉唔轉得啦, 呢位阿姐真係好攪笑囉 ... 呢頭話轉得, 果頭就入左舊既單入廚房囉 =_= ... 而且我其中一個朋友未講想轉咩, 佢就走鬼左去囉 ! 同佢講返, 佢就話 ... "入左單喇喎, 都叫左咯不如試下啦" , 我好想同佢講 ... "既然你落錯單, 不如我地走丫好唔好 !!!" 另一個阿姐仲好笑, 明明聽到佢落錯單 ... 仲就我地講 ... "佢落錯單牙 .. 哈哈..." 跟住無理我地走左去囉 ... 好心你走返去叫住你個同事丫 ... 果然請埋 d 人都係一樣的 !!! 好, 算, 我地忍你 ! 到野食上檯之後, 又係火都黎, 雞扒一d 都唔好食... 而且飯要另加八蚊, 野飲又要另加八蚊 !! 你收得人地咁既價錢… 俾返少少誠意丫唔該 !! 另一個朋友既中式牛柳 ... 好明顯係拿鐵版餐的牛就咁整,肉係咸,汁係甜酸,自己諗係咩味啦 ! 杯檸賓係淡的, 仲要另加十蚊 !!

Seating might be a little bit tight but this is how Cantonese meat roasting should taste like. I ordered the roast pork and roast goose top rice meals and wow they really take you back to how good simple food should taste like. Great hole in the wall restaurant. Cheers!

晚餐：燒味四寶飯及咖哩三絲炒公仔面評語：個待應話果四寶中其中兩寶by default係有咸蛋同紅腸，其他兩寶係random比，但係黎到，紅腸變一隻雞翼，而咸蛋消化咗，同佢講先比返，而基本叉燒有骨又"un"，完全唔係一向廣東燒味嘅水準，失望。另外咖哩三絲炒公仔面又棘又酸，超奇怪。佢個名叫廣東燒味，但係d燒味真係唔得，打爛咗自己個招牌。

前幾晚到尖沙咀漢口道廣東燒味叫了一碗义雞瀨，上碟的雞有血d皮又瘀色&唔知佢係雞ge邊部份我立即叫住亞姐話: 有無搞錯，比d咁ge雞我。佢睇都唔睇就拎走叫師父換過d雞，跟手好快比過一碟我，新一碟賣相己經唔好講，佢比雞胸肉我，d雞胸肉乾到起晒一條條紋。唉.....都諗住硬食左佢算啦，但係真係頂唔順仲衰過d湯渣，再叫亞姐過象黎問:點解你地d雞唔新鮮ge?佢就話唔係呀，係咁果wor跟住仲叫我不如叫過第二樣野食..............我真係唔知係一間燒味店唔食燒味可以食d咩，然後走人，真係唔會再幫襯

趁住國慶假期join團兩天遊,晨早要去到中間道集合,咁就集合前揾間嘢食番個大大份gei早餐因為唔知幾點先有午餐食,諗住去兰香園未開,跟住去big john都係未開,於是見廣東呢間有早餐,廿幾蚊有幾多選擇,求其有柸咖啡就算la早上唔夠8奌間嘢都好少客人,我哋d order都好快就到la柸咖啡都ok 一般茶餐廳貨色,肉丁麵d肉丁太肥,d麵好白未煮得透方包都軟身,雞蛋奄列有少少漏黃幾好食

ｌｕｎｃｈ自己去食飯，坐底叫左碟肥叉鴨飯（＄３５，無野飲，無例湯）上枱黎左碟瘦叉鴨飯，即刻同個待應講我ｏｒｄｅｒ肥叉架，跟住佢就換過碟黎再上枱就變左碟肥豬肉鴨飯，連我隔黎枱既食客都”嘩”左聲跟住個侍應話再換過一碟俾我，之後我諗黎諗去都唔知再食咩好我就取消個ｏｒｄｅｒ就走啦越諗越唔順氣，咁既質素都可以上枱俾客人食，於是打電話去投訴跟住有位自稱係廣東燒味既莊老闆打番俾我話已經問過斬燒味果位師父，依５舊肥豬肉已經係＜＜精心挑選俾我＞＞:我心諗咁多謝呀質素奇差不特止，仲話已經係＜＜精心挑選俾我＞＞，肥叉變肥豬肉依５舊都唔知係咪係果ｄ切完唔要既肥”ｇｏ”個兜都拎番上黎俾我！！不過最可惜我無影低相，如果唔係可以俾大家見識下咩叫肥豬肉

城市打工仔日忙之忙，食飯時間又短，只可以係最近既食肆度素$，並以極速鯨呑所有食物落肚，無選擇餘地 ~ 今次又要表演五分鐘令整碟飯消失得無影無踪 ﹗近來幫襯返依間燒味，發現佢地啲質數好唔穩定，時好時壞，而且原來係無習慣加甜豉油架，叉燒除外 ~ 服務一般燒味店範籌啦，坐位空間略細，都坐得幾辛苦。見好多食客都係大陸自由行 ~切雞髀叉燒飯，真係真係最好食今次，叉燒半肥瘦、軟棉棉得黎有趙口，蜜甜齒夾留香，邊位少少燶，食落好香口。切雞好 fit 無多餘肥膏，食落又滑，雞味又濃。白飯今次好乾爽，佔上少許蜜汁叉燒汁撈勻食好好味 ﹗雙髀飯，切雞髀及燒鵝髀。燒鵝髀太過肥，啲肥膏一舊舊，真係頂唔住，要咬出黎。皮唔夠緊緻、偏油。肉真係非常嫰滑，但騷味太重。雞髀今次較為靭，都算滑，雞味重，肥瘦適中。白飯好濕好黏，無飯香。四寶飯，未試過比啲咁差既送，全豬宴 ﹗紅腸、燒肉、燒排骨、咸蛋。火火火 ﹗咸蛋乾爭爭，無黃油，咸香不足，同上次完全唔同。燒排骨無肉食，真係得棚骨，口感好 dry 又乾。燒肉層皮好滿意，係化皮脆卜卜，但太多肥膏，肉同脂肪比例唔平均。紅腸，大路偏咸啦。白飯都係過濕同埋黏口，無加燒味汁，唔好食。油雞髀

趕時間返學，又唔知食咩好，一個人是鬼旦，又係燒味 ~切雞四寶飯，有咸蛋、叉燒同大紅腸。切雞都係咁啦，無咩驚喜，大路尚可口感同味道。咸蛋，雖然我唔係太好此道，但一壓落去就知係靚貨，蛋黃油豐盈噴出，甘香非常，加埋蛋白撈飯剛好，好味。叉燒比我想像中好食，肥瘦適中，口感好腍，味道甜甜地唔咸，幾口。無通既大紅腸，偏咸。豉油清淡，尚可以。飯都算合格，乾爽、有咬口、微香，仲有好大空間改進。

對上一次食已經係十幾年前，當時係我最愛既燒味飯店，切雞、油雞、叉燒、燒肉、燒鴨全部都好好好好食，但十年無見，咩野都變 ~切雞髀燒肉飯，燒肉唔係化皮燒肉，皮雖薄但腍左有啲刃，肉味道可以，肥瘦適中。切雞味道似鹽焗，有少少咸味，口感可以，但未夠滑，雞味夠重，尚算好味。豉油味道唔太重，唔錯。總括黎講係依家係好一般既燒味飯店。