影片
更多
2024-10-17
353 浏览
今晚我又陪老婆大人去食大闸蟹！听讲今晚佢要会一会猛男，作为一个贴身吖系贴心嘅老公梗系要陪住佢去啦。呢一餐我哋去咗帝逸酒店嘅逸轩叹大闸蟹，嚟呢度食记住要提前72个钟预订，唔系嚟到冇得食就唔关我事呀。今日食嘅叫做金秋蟹宴，呢个餐总共有九味菜好多嘢食，我咁大食都要捧住个肚走。净系前菜都有三样咁多！呢个系蟹粉蟹肉脆皮云吞，脆卜卜嘅蟹肉云吞点啲甘香嘅蟹粉食落口感好好，特别钟意佢入面炸咗嘅龙爪菌真系好鬼爽口。呢件好似太极咁样嘅叫做天府口水汁鸳鸯鸡卷！原来佢系用咗黄油鸡同埋竹丝鸡嚟两沟，配个好香但唔算太辣嘅口水汁真系好鬼惹味。跟住呢味烧椒酱轻煎去壳富贵虾真系啱晒我呢啲懒人！因为师傅已经将濑尿虾嘅壳去晒，可以一啖摆入口食爽到不得了，呢个酱唔系妖辣嘅食落去麻麻嘅口感，加埋濑尿虾嘅鲜甜真系食得好过瘾。跟住呢碗汤就不得了喇！呢碗系椰皇浓汤炖花胶，佢有好浓郁嘅椰子香味仲越饮越香甜，入面有一件厚厚嘅花胶在场嘅女士饮得非常开心，大叔嘅我对呢件花胶亦都非常受落。点解话今晚要砌猛男！咪就系因为呢只大闸蟹公足足有成七両咁重啰。呢只大闸蟹膏都好够金黄色嘅蟹膏食落去好甘香唔错呀。有老婆大人服侍将啲蟹脚拆晒肉俾我食，你话啲蟹
净系前菜都有三样咁多！呢个系蟹粉蟹肉脆皮云吞，脆卜卜嘅蟹肉云吞点啲甘香嘅蟹粉食落口感好好，特别钟意佢入面炸咗嘅龙爪菌真系好鬼爽口。
呢件好似太极咁样嘅叫做天府口水汁鸳鸯鸡卷！原来佢系用咗黄油鸡同埋竹丝鸡嚟两沟，配个好香但唔算太辣嘅口水汁真系好鬼惹味。
跟住呢味烧椒酱轻煎去壳富贵虾真系啱晒我呢啲懒人！因为师傅已经将濑尿虾嘅壳去晒，可以一啖摆入口食爽到不得了，呢个酱唔系妖辣嘅食落去麻麻嘅口感，加埋濑尿虾嘅鲜甜真系食得好过瘾。
跟住呢碗汤就不得了喇！呢碗系椰皇浓汤炖花胶，佢有好浓郁嘅椰子香味仲越饮越香甜，入面有一件厚厚嘅花胶在场嘅女士饮得非常开心，大叔嘅我对呢件花胶亦都非常受落。
点解话今晚要砌猛男！咪就系因为呢只大闸蟹公足足有成七両咁重啰。
呢只大闸蟹膏都好够金黄色嘅蟹膏食落去好甘香唔错呀。
有老婆大人服侍将啲蟹脚拆晒肉俾我食，你话啲蟹肉又点会唔甜吖哈哈。
食完大闸蟹有呢碗冲绳黑糖姜茶暖胃，入面仲有一朵手工嘅豆腐花，连碗姜茶都靓到咁师傅想攞人命咩。
跟住呢个叫做蒜煎336小时熟成日本猪！熟成过嘅猪肉味食落去更加浓郁，配埋蒜片同蒜心一齐食口感十足好味道。
呢个咁晶莹剔透嘅系蟹粉蟹肉烩冬粉！冬粉即系粉丝将啲蟹粉同蟹肉捞匀食爽口弹牙又鲜味。
最后仲有呢碗羽衣甘蓝二少爷炒饭！炒得好干爽嘅饭粒入面仲有带子同猪油渣，鲜同香一齐袭击我个口感觉真系好幸福㗎。
甜品有紫薯桂花冰粉同埋芝麻糕！
紫薯桂花冰粉个样咁鬼靓老婆大人钟意到不得了！食落去有爽滑嘅冰粉同埋香甜嘅紫薯粒，唔使加黑糖都已经好好味，另外芝麻糕食落去都好爽滑芝麻味够香浓。
张贴
