海睿日本料理 (已結業)

因为小学同学个阿妈番头嫁又生咗 baby嘅关系，我去咗东涌去拿姜醋，伯母好友善咁样拖住我只手带咗我去呢一间食日本嘢， auntie 真系友善到呢，真系抵佢步入黄昏都仲可以觅到真爱 ~烧泡鱼干，味道甜甜地甘甘地，食落去唔系好硬系软软地，点埋啲沙律酱都几好味玉子烧，玉子做得嫩嫩滑滑，食落去味道好有鸡蛋味，温度唔系好热又唔系好冻， 其实我唔系经常食玉子烧，所以唔知道算唔算系做得好，不过我就觉得好好味。龙虾拉面，真系成世仔都未食过日式龙虾拉面， 拉面个面汤好好饮好好味，个龙虾就烧得好香好有龙虾味，食碗龙虾拉面感觉自己好似好高级咁。仲叫咗牛利串烧，牛脷好软好香。