意粉 360 (已結業)

Easter红日最后一日，虽然仔仔重有一个星期假；不过婆婆明天就要返工啰。Easter一开始重谂住上星期会出多D街，依个星期在家温习；点知上星期反而只系去左2日街姐。今个星期就多Plan好多啦，今日去买飞星期三睇戏，顺便食个tea；星期三食tea睇戏，星期四老公放假买野，预期星期六又睇多场戏。今日会食Tea都系因为上星期婆婆都唔得闲，黎紧我地预左会食Tea既日子婆婆都系唔得闲，所以今日本来只系去买戏飞，都约婆婆出黎行下啦。不过讲真，话食Tea都唔知食边间好架，系将军澳度都行黎行去；最后婆婆见意粉360出左新menu有加39蚊多碟窝夫，好似几抵咁。咁又入左去食啦。本来，我想食三文治架，点知话今日冇菜返冇三文治㖞；真系有冇搞错丫。最后，我同婆婆叫左个pizza加窝夫，仔仔叫左个意粉。今次又几好味㖞，好食过上次同朋友晚饭好多，又好食过上之同老公中伏Tea劲多。依间野D水准真系成日变既，次次去都唔同。不过今日呢，人都算多架啦，侍应重要全部企埋一边倾计，要挥好耐手先有人见到啰。餐前沙律，几好味，因为系用芝麻酱架平时我在家都系用芝麻酱。餐前汤，冇乜特别，普普通通啦，系用咖啡杯装几靓啰。菠萝鲜果茶，