影片
更多
2009-07-25
11 浏览
California Pizza Kitchen 一向都系食PIZZA高水准嘅保证, 尖咀呢间一向都有食开, 相比起旺角家乐𠮶间, 食物同环境都要好; 不过今次大失所望。去到等位已经系晚上8点, 佢话要等25张2人台, 等左大约40分钟就有位, 而且系靠近玻璃窗位置! 点了「 墨西哥栗米汤」($28/CUP), 一人份量, 味道超浓PEPPER 味。系蕃茄底嘅栗米汤。「罗宾式黑椒腌熏牛肉薄饼」($82/薄批), 够多CHEESE, 不过今次PIZZA落咗太多ROSEMARY, 味道偏苦, 而且千岛酱亦过多, 全都偏向PIZZA嘅某一面, 令PIZZA变到边大边细。仲点左「新奥尔良香辣海鲜意粉」($112), 就系呢个意粉...我地饮完汤, 等左10分钟之后, PIZZA上埋。之后再食完PIZZA, 再呆等一轮之后, 都仲未上...时间都足足40分钟; 于是我地就追问WAITER系咪无落单, 如果无落单我地就唔要喇, 因为赶住睇戏。点知个WAITER点左吓头CHECK完机之后就行左去。又唔话我地知咩事。我地再呆等5分钟之后, 听到D WAITER互闹, 话对话唔跟单; 于是我地再问到底个
California Pizza Kitchen 一向都系食PIZZA高水准嘅保证, 尖咀呢间一向都有食开, 相比起旺角家乐𠮶间, 食物同环境都要好; 不过今次大失所望。
去到等位已经系晚上8点, 佢话要等25张2人台, 等左大约40分钟就有位, 而且系靠近玻璃窗位置!
点了「 墨西哥栗米汤」($28/CUP), 一人份量, 味道超浓PEPPER 味。系蕃茄底嘅栗米汤。
「罗宾式黑椒腌熏牛肉薄饼」($82/薄批), 够多CHEESE, 不过今次PIZZA落咗太多ROSEMARY, 味道偏苦, 而且千岛酱亦过多, 全都偏向PIZZA嘅某一面, 令PIZZA变到边大边细。
仲点左「新奥尔良香辣海鲜意粉」($112), 就系呢个意粉...我地饮完汤, 等左10分钟之后, PIZZA上埋。之后再食完PIZZA, 再呆等一轮之后, 都仲未上...时间都足足40分钟; 于是我地就追问WAITER系咪无落单, 如果无落单我地就唔要喇, 因为赶住睇戏。点知个WAITER点左吓头CHECK完机之后就行左去。又唔话我地知咩事。
我地再呆等5分钟之后, 听到D WAITER互闹, 话对话唔跟单; 于是我地再问到底个意粉咩事, 做唔切就算啦。佢地就话即刻有。
我地再呆等足足20分钟之后, 佢地先拎左一碟好似「湿炒牛河(仲要系兜乱)」嘅意粉O黎...乌卒卒, 我地已经分唔到系虾, 系鸡定系肉...? 我真系唔知..因为碟O野油到食左几啖就唔想食。
最后我地只系食左几啖就放弃....因为我地已经前前后后呆坐左半个钟, 咩胃口都无。最好笑系班WAITER最头到尾都无答过我地系无落单, 定系走单, 定系点...因为我早就讲左无落单就唔要, 因为赶时间。结果每次我想叫人O黎问, 佢地就走开哂; 碟O野O黎度仲要系呢个样...加埋一, 碟意粉就足足收成$125, 实在系...
最后要$250埋单, 一肚火, 一咀油仲要鸡咁脚跑去戏院...全程仲要不停嗝番D油味出O黎...真系....
张贴
