金萊原盅蒸飯

营业中

休息中

寻日同男朋友去左旺角熟食中心食饭，今次又拣左食金莱，金莱有一些特价粉面饭，我今次拣左食星洲炒米配奶茶，因此我想饮埋汤，所以男朋友就帮我加左个炖汤，今次个炖汤系花旗参鸡汤。不过今次食金莱，我就有少少失望啦，因为煮唔到平时一贯的水准。一上碟，明显啲色比平时浅色，有一半系比较淡味，但系有另一半则比较咸，唔知系咪兜得比较唔匀循啦，而且今次的火喉明显欠奉，比起平时的镬气争左少少，唔知系咪厨房转左人。奶茶就无平时咁好饮，因为今次的茶味无咁香浓，无左茶香，唔通今日平时店面个个茶水叔叔无返，因为系男友买，所以我唔知系咪。炖汤方面反而有惊喜，第一，参味都几重，二来都饮到鸡的鲜味，都真系几鲜甜，而且保温做得好好，我够热，我真情比佢烫到嘴，所以炖汤真系算高质。