一風堂 (已結業)

已经有一段时间冇来一风堂，今次有惊喜，因为个menu多左好多新嘢所以我决定今次唔食拉面，试下其他嘢。吉烈叉烧角包（$30）：角包其实并唔系新嘢，不过呢个吉烈叉烧角包同之前的普通角包不同之处除左件叉烧系炸既之外，个包仲系烘过的，而且个酱都唔同，整体来说，我觉得吉烈版更好味！豚骨汤菠菜（$28）：用石锅装住，个汤好浓，浸住菠菜同几粒菇，食完可以饮埋个汤。铁板酱油炒饭（$48）：用铁板装住，一上枱已经香喷喷，有饭焦喺底，初初食觉得好香口好正，但食到一半开始觉得咸咗少少，要不停饮茶。小赤丸拉面（$48）：呢个half portion有两种味道选择 - 小赤丸（少辣）同小白丸（猪骨），half portion适合较细食既人，或者系好似我这种想试多啲唔同类型食物的人。我仲见到佢而家有串烧食，个样都唔错，下次试。