影片
更多
2023-05-07
1912 浏览
在前文提要少少番，就喺同一班旧同事喺西环、中环玩咗大半日，坐埋摩天轮，搭返天星过尖沙咀，而是日行程最后一站，就喺食晚饭。下昼餐梳乎厘班戟下午茶都未落晒格，所以呢餐晚饭就食得轻怡少少，嚟到「Green Common」食餐素，加上离码头近，够就脚。 用餐环境带点北欧风，洁白简约，环境唔会话太逼，算几好坐，加上定价以「海运」其他食肆作对比都算好相宜，所以，你见到都有几多人帮衬。墙上一组字「Make Change Happen, Make Green Common」都仲晌度，无咩点变。 对上一次嚟已经喺4年几前嘅事，餐牌肯定唔同晒，所以，再次摆出嚟等大家有个参考。分类上有小食、薄饼、蔬菜、主菜、港式情怀、汉堡，以及饮品，全部都喺素，非常多元化。 新推出咗一啲绵绵茶系列，将平凡嘅茶饮加层奶盖，令其变得不平凡，而惠顾单点餐牌就有半价优惠，所以，试咗其中两款同大家介绍下。 简单嘅餐具、餐纸放晒晌枱面，自由取用。蝶豆花抹茶绵绵茶 +$24预咗成品无餐牌嘅相片咁靓，不过，出嚟呢杯卖相又几亮丽，渐变嘅粉蓝色加厚厚奶盖，真喺颇为赏心悦目。至于味道，饮过蝶豆花茶嘅人都知，蝶豆花本身喺无乜味，所以，饮落茶味比较
用餐环境带点北欧风，洁白简约，环境唔会话太逼，算几好坐，加上定价以「海运」其他食肆作对比都算好相宜，所以，你见到都有几多人帮衬。墙上一组字「Make Change Happen, Make Green Common」都仲晌度，无咩点变。
对上一次嚟已经喺4年几前嘅事，餐牌肯定唔同晒，所以，再次摆出嚟等大家有个参考。分类上有小食、薄饼、蔬菜、主菜、港式情怀、汉堡，以及饮品，全部都喺素，非常多元化。
新推出咗一啲绵绵茶系列，将平凡嘅茶饮加层奶盖，令其变得不平凡，而惠顾单点餐牌就有半价优惠，所以，试咗其中两款同大家介绍下。
简单嘅餐具、餐纸放晒晌枱面，自由取用。
蝶豆花抹茶绵绵茶 +$24预咗成品无餐牌嘅相片咁靓，不过，出嚟呢杯卖相又几亮丽，渐变嘅粉蓝色加厚厚奶盖，真喺颇为赏心悦目。至于味道，饮过蝶豆花茶嘅人都知，蝶豆花本身喺无乜味，所以，饮落茶味比较淡口。
桂花绵绵茶 +$24小弟就拣咗杯桂花口味，因为一向都比较钟意饮 桂花茶，虽然卖相就唔及蝶豆花咁靓，但味道真喺好唔错，饮落好有桂花清香，而面层奶盖非常绵密，好幼滑，再将两者搅匀成为桂花奶茶，出嚟效果比预期好㖞。
新肌肉能量碗 $98可以当佢为一个前菜冷盘，因为成份有新餐肉、豆腐、羽衣甘蓝、藜麦、牛油果、红腰豆，佐以自家制嘅花生酱。不愧为能量碗，因为真喺好大份，色彩缤纷之余，又将豆腐及新餐肉相间而放 ，令卖相更好睇，而食落清爽健康，够晒营养，啲酱汁味道亦几特别，花生香以外有啲醋酸香味。
香辣星洲叻沙 $72浓味嘅食物一向都好人喜悦，所以，就拣呢一道叻沙。平常嘅叻沙大多数都喺配海鲜，为咗喺全素关系，就配上香辣新鱼柳，再有啲豆卜、芽菜。啲新鱼柳几嫩滑㖞，不过，个汤底感觉就未够香浓，而粉底就只喺配米粉，有别常食到嘅参参，即喺油面捞米粉，少咗啲风味。
干炒牛肉意粉 $78以往所食嘅植物牛肉都喺「未来牛肉」（Beyond Meat），而今次所试嘅炒意粉，所食到嘅植物牛肉喺「韩国植物牛肉片」（Unlimeat） ，食落真喺有九分似真牛肉咁，加上炒出嚟嘅色水、味道，如果配可粉嘅话真喺呃到人喺干牛河，意粉炒得香口，口感又啱啱好。
干炒牛肉意粉
$78
13 浏览
0 赞好
0 留言
唔似一般薄饼店啲薄饼咁大堆头，薄饼面就单单只有新餐肉同菠萝，但食落都几清新，新餐肉煎得香口，批底喺薄批同厚批之间，老实讲，口感就一般般，反而惊喜位喺啲纯素芝士，食落真喺同真芝士无乜分别，唔知点样做出嚟！
事隔几年再试Green Common，个人感觉质素好似普通差咗少少，或者最初嚟嘅时候，可能有较多惊喜，今次所试嘅嘢都只可以讲喺中规中矩，不过，单单以素食嚟讲，其实真喺好多款式选择。
张贴
