牛奶冰室 (形點 II)

营业中

休息中

早餐，下午茶都食过，中规中矩，价钱稍贵，味道唔差，今次就试埋个晚餐。8:30到，但都未能即时入座，等咗5分钟左右啦就入到去啦，睇餐牌发现原来佢都有晚市小菜套餐，一个𩠌跟杯嘢饮，没有汤，可能因为太夜，好多菜式都售罄，最后叫咗家乡莲藕马蹄煎肉饼，图片只供参考，真实模样似一个炸土鱿肉饼，好少马蹄同莲藕，没有马蹄莲藕嘅爽脆质感，亦都冇马蹄嘅清甜，但有炸肉饼嘅香脆，味道都好味。另一个𩠌就叫咗梅菜蒸鲩鱼，切片上，肉身厚滑，但多骨，要小心进食。白饭好食肥肥软软，似日本米。