Goobne Chicken (The Hart)

营业中

休息中

之前已经食过呢间，觉得好食所以再帮衬多一次！上次黎主要食d 铁板烤鸡，今次谂住试下d 唔同既野。先叫左个特制鸡蛋卷，系好长既一板。佢用左个蛋包饭既概念，不过里面唔系饭，全部都系馅。d 蛋本身唔同平时去日本铺食果d 玉子咁样，而系好似腐皮卷咁一层层，好松化。里面系d 卷物常见既青瓜蟹柳，食落有d 甜味。今次我地睇中左两款散件果d 韩式烤鸡。首先呢款就咁叫”韩式烤鸡” 既烤鸡篮，好大篮，皮脆肉嫩，不过个辣度好高，佢唔只外面有辣粉，就算唔连皮食入面都好辣。我觉得ok 既~ 不过同台有人话太辣…金黄烤鸡既口味就大众化好多，金黄源自各种芝士粉，好香芝士味，亦都好甜好易入口。呢个一定要连埋皮食，成口粉咁既冲击先至正斗…！食左咁多热气野梗系要饮番啖汤润一润番下，我地叫左个砂锅鱼糕汤。唔算好大兜，不过好足料。个汤吸晒d 鱼蛋、萝卜同菜既精华，所以好惹味… 同埋呢个又系有少少辣，因为都有d 辣椒去煲。