好美味加油棧 (已結業)

自从老板娘响浣纱街搬咗过嚟，改咗铺名之后，反而帮衬多咗，因为啲嘢越嚟越好食啰🤣肥死我喇！我哋最钟意食胡椒蟹同冬阴功，所以早两日就订定，老板娘𠮶日晏昼就帮我地买咗只生猛靓🦀，加埋个薄饼热辣辣超级松脆，劲香牛油味，点黑胡椒汁好味到呢😋 仲要抵食㖞🤭我哋仲嗌个拼盘，虾饼咬落去啲香葱味飘出嚟，仲要好弹牙！个冬阴功香味甜味辣味啱啱好，好浓郁！入面啲青口同大虾好新鲜，但系全部都冇样睇因为我挂住食蟹冇影到🥲🥲之后仲叫咗个蒜香椰菜苗，好甜冇苦涩味，我钟意啊😍😍最后老板娘仲送咗椰汁西米糕俾我地食，饮埋杯爱心薏米水，饱到呢🤪下次嚟食咖喱面包蟹，再影过🤣🤣