影片
更多
2009-11-13
257 浏览
继第一蟹帮趁老字号上海老三阳后，见广隆行亦有不少捧场客，姑且一试！实行买一公一乸，自己同自己撑台脚...店员一边在柜旁边为刚到货的蟹乸喷水，店前都有三四个拣紧蟹。多数人买280-260一斤嘅，但见价格由$100 /3只，至最贵$360一斤都有，店员话系太湖嘅货。一于对自己好D，买$360一斤的蟹皇试试先！请店员代劳拣一公一乸，佢拣完攞出黎俾我睇，见D蟹冻到眼仔唔系几识郁...但脚仔仲好有反应，总值二百六，只公有成七両，ok啦...紫苏、醋、红糖同姜例牌系送嘅。收现金EPS或credit card，半箩以上有平，俾钱其间亦听到有客人由沙田打黎订蟹，好似仲有得送货添！名片后有教蒸蟹方法，不外乎系洗净反转连紫苏，隔水蒸20分钟，冇乜技术。返到屋企即刻蒸，佢送嘅紫苏好香，一蒸起真系香到全屋都闻到。先蒸试只乸，个肚唔白嘅(浅黄色)，但肉几香，唔算好甜。膏ok多但唔爆，都好甘香。至于只公，肉ok香甜，亦十分多膏，透明膏几多但较实，不黏口，香味普通，味甘。合格啦！食得好慢...一只食足成个钟...系时候煮姜茶啦！佢俾𠮶旧姜细到...仲细过一只鸡蛋...咩事咁孤寒？姜好贵咩？上海老三阳俾嘅红糖系淡橙色
实行买一公一乸，自己同自己撑台脚...
店员一边在柜旁边为刚到货的蟹乸喷水，店前都有三四个拣紧蟹。多数人买280-260一斤嘅，但见价格由$100 /3只，至最贵$360一斤都有，店员话系太湖嘅货。一于对自己好D，买$360一斤的蟹皇试试先！
请店员代劳拣一公一乸，佢拣完攞出黎俾我睇，见D蟹冻到眼仔唔系几识郁...但脚仔仲好有反应，总值二百六，只公有成七両，ok啦...紫苏、醋、红糖同姜例牌系送嘅。
收现金EPS或credit card，半箩以上有平，俾钱其间亦听到有客人由沙田打黎订蟹，好似仲有得送货添！
名片后有教蒸蟹方法，不外乎系洗净反转连紫苏，隔水蒸20分钟，冇乜技术。返到屋企即刻蒸，佢送嘅紫苏好香，一蒸起真系香到全屋都闻到。
先蒸试只乸，个肚唔白嘅(浅黄色)，但肉几香，唔算好甜。膏ok多但唔爆，都好甘香。
至于只公，肉ok香甜，亦十分多膏，透明膏几多但较实，不黏口，香味普通，味甘。
合格啦！
食得好慢...一只食足成个钟...系时候煮姜茶啦！
佢俾𠮶旧姜细到...仲细过一只鸡蛋...咩事咁孤寒？姜好贵咩？
上海老三阳俾嘅红糖系淡橙色，佢𠮶D好深色，直情系啡黑色
煮起好淡...唔够姜又唔甜...奇怪...
下次...我都帮趁返上海老三阳
张贴