沙嗲王 (已結業)

因为好耐都无去过「沙嗲王」食，所以今晚我们特意去咗旺角女人街店食晚饭！我们叫咗比卡超咖喱猪扒饭、比卡超海鲜鸳鸯蛋包饭、沙嗲安格斯肥牛拉面、和风明太子酿无骨鸡翼、溏心蛋、脆虾棒、芒果黑糯米、青柠柑梅蜜、鲜芒椰汁红豆沙冰同青柠柑梅宾！比卡超咖喱猪扒饭嘅卖相就非常吸引，但黄姜饭就好干、好「偕」同好韧，耳朵位嘅黑糯米更加韧！比卡超海鲜鸳鸯蛋包饭有大量嘅沙律菜伴碟，酱汁嘅味道还可以，但蛋包饭嘅蛋就比较老同「偕」！沙嗲安格斯肥牛拉面嘅肥牛超肥，只有肥膏无肉，拉面嘅面质好「偕」，味道淡而无味，卖相非常呕心，令到我们食欲大减！和风明太子酿无骨鸡翼炸得唔够熟，我们要求店员帮我们再番炸！芒果黑糯米嘅芒果非常香甜，黑糯米相当烟韧弹牙！