The Boathouse (已結業)

曾几何时Boathouse 系拍剧取景嘅地方，今日或者有啲过气，食物又如何？今晚我觉得食物味道和整法始终差一啲水准，只有甜品较为出色。白酒蒜蓉青口青口普遍比较细只，蒜蓉汁过咸，蒜蓉味唔够 ，鲜味唔够，普普通通。杂菌忌廉汤配黑松露酱有好多磨碎杂菌，加上黑松露酱，好饮。芝麻吞拿鱼配牛油果酱及脆洋葱如果吞拿鱼唔好整到全熟，牛油果酱改为用新鲜牛油果，应该更好味，卖相更好，餐厅依家嘅整法我觉得麻麻地好食，好柴，好咸！非洲鸡伴香辣烤薯及炒菜酱汁系咖喱同埋沙爹混合制成，有啲酸酸哋几开胃，味道都算唔错，不过鸡肉好柴，份量好少，反而香辣烤薯做得几好味。士多啤梨芝士杯伴青柠雪芭及脆乳酪青柠雪芭酸甜度平衡做得好好，士多啤梨好甜，呢样系好重要嘅，加上mascarpone cheese及脆乳酪，味道清新，口感相当好，呢味甜品系今晚最出色而又必试嘅食物。