Pepperonis Pizza & Cafe

营业中

休息中

晚上特登揸车入西贡食牛扒，因为呢间餐厅每逢星期三都有三款牛扒做买一送一既优惠，几抵食之剩味道亦唔错。大约晚上七点黎到，虽然我哋无订枱，但待应都好好俾咗枱我哋，不过就要八点前交枱 ; 因为之前都系食开牛柳，所以我同朋友一坐低就即刻落单。落单后等咗二十分钟牛柳都未黎，问个待应系咪落漏单佢就话整紧，如是者再等多十分钟都重未嚟，我哋再问一问先知原来系落漏单。🤦🏻‍♂️ 🤦🏻‍♂️牛柳叫咗七成熟，煎得不错内里粉嫩，黑椒汁味道亦颇惹味，而且有粗薯条同沙律菜伴碟 ; 不过我同朋友都一致认为牛柳系缩咗水，而且依家要成 $278，记得二月尾食都系 $208，加上服务又。。。。今次真系有点失望。