夏捌月 (已結業)

好耐好耐之前，来夏捌月食过猪手及蟹膏蟹肉意粉，个意粉惊为天人，隔多年，终于来返寻味。威灵顿牛柳餐$148一上枱，真系好失望，并唔系真正嘅威灵顿牛柳，牛柳质素比茶餐厅好少少，牛柳上边加咗一片酥皮汤嘅酥皮，中间夹咗烟肉及蘑菇碎，呢件就系「伪」威灵顿牛柳，牛柳冇问过我要几多成熟，切开一半，几乎全熟，牛柳冇味道，冇牛肉香，味道来源是个黑椒汁。蟹膏松叶蟹肉意粉$108有少少湿湿碎嘅物体系黄咁咁嘅意粉上边，第一啖食落去好重芝士味及好咸，有丁点腥味，继续食落去只系食到好咸嘅芝士味意粉，唔系以前食过嘅烹调手法及味道，之前食系有好多蟹膏，呢份只可以叫做系「芝士意粉」同蟹膏松叶蟹肉一丁点关系都没有。总结：失望、食物嘅质素及出品都差、唔明点解话好食、一次都嫌多，后悔嚟左食呢餐。