Grove Cafe (已結業)

同老婆黎到油塘大本型出面平台嘅 <Grove Cafe>。呢度环境都唔错，八点钟都唔系太多人，侍应安排咗我地靠窗位置坐，可以一路食饭一路望到海景。今晚餐汤无其他选择，只有忌廉汤。未上枱前，侍应话帮我哋落咗汁先上枱，点知一嚟到，两个汁倒转咗。之后就问我哋介唔介意照要，因为我唔食黑椒汁，而老婆亦希望食到黑椒汁，所以我哋都要求佢更换过俾我哋。铁板新西兰肉眼牛扒 (黑椒汁，薯菜，冻柠茶) $96 - 唔驶五分钟，牛扒重新上台，所以应该唔系重新整过，可能系黑椒汁味道比较浓，可以遮盖烧汁嘅味道。牛扒好大块，7成熟嘅肉质普通，但食到某啲位，会夹杂住烧汁嘅味道。铁板美式杂扒 (烧汁，薯菜，冻柠茶) $95而杂扒就等得比较耐，初时喺度谂，可能黑椒汁太多黑椒，比较难处理，所以真系会重新整过。点知黎到切开放入口，都系食咗黑椒味。再望真啲，杂扒上嘅黑椒粒依然清晰可见，令到成份杂扒既有黑椒味又有烧汁味，都唔知食紧乜。黑椒汁可以遮盖烧汁嘅味道都可以算，因为明白重做会浪费食物，但个杂扒真系接受唔到。