京香餃 (福華大廈)

营业中

休息中

记得中学嘅时候成日去食呢间京香饺，本店而家已经搬咗去西环，唔啱发现原来天后都开咗分店。同店员倾开，先知原来呢间系老板个女开嘅。装修风格都比本店新颖，墙上面挂住好多幅关于饺子嘅画。今次叫番我平时最钟意食嘅羊肉抢汤面。食落味道大致上本店嘅出品差不多，汤底浓郁，有好香嘅羊肉味，但就冇羊骚味，如果钟意食羊骚味嘅朋友就唔系好啱你啦。羊肉份量都唔少，绍菜亦都好鲜甜，拉面比较稔，但同汤底好夹。衞生方面，枱面间中有啲好细只嘅飞虫，希望店家多多留意同改善。