影片
更多
2024-01-28
1899 浏览
因为家人住东涌，以往聚会经常会去吃，加上个人好喜欢呢间酒店楼底高，座位宽敞，有落地大玻璃，光猛令人感到写意。自从疫情后好耐冇食呢间，曾经打电话去book，却未开，便搁置了，家人反而吃过一次，话少很多嘢食，直至最近约屋企人食饭，又谂起呢度。临食前去咗open rice睇食评，知道有七折，打去book，原来walkin都有七折！12点开始接受入座，我哋安排坐门口附近张枱，方便出入，好啊！烧味档冇咗！炒意粉都冇咗，仔仔非常失望，因为佢好钟意食意粉！行咗一圈，佢哋返嚟话冇雪糕！甜品少，唔通夜晚先有？以前都有㗎！咖啡机有3部，但只有一款咖啡饮！沙律有好几只，龙虾配羊奶芝士沙律、松露芥末牛肚沙律，牛舌沙律配芝麻酱！最爱呢度啲沙律！泰式辣牛肉寿司，新嘢未见过，试吓，点知啲牛肉唔得好鞋，寿司饭又唔得，湿粒粒又黐粒粒！龙虾羊奶芝士沙律、松露芥末牛肚沙律，牛舌沙律配芝麻酱好正，最爱呢度啲沙律啲料好新鲜，就算小龙虾啲肉都靓！三只我都好钟意！ 意大利杂菜汤，味道一般啦，老妈子见我攞，佢又攞，话啲汤渣好食，但系佢不嬲都唔钟意酸嘅蕃茄汤？后尾攞中汤，佢就钟意有粉葛。攞海鲜，老妈子话青口、螺，同埋虾好食，只蟹细只又
12点开始接受入座，我哋安排坐门口附近张枱，方便出入，好啊！烧味档冇咗！炒意粉都冇咗，仔仔非常失望，因为佢好钟意食意粉！行咗一圈，佢哋返嚟话冇雪糕！甜品少，唔通夜晚先有？以前都有㗎！咖啡机有3部，但只有一款咖啡饮！
沙律有好几只，龙虾配羊奶芝士沙律、松露芥末牛肚沙律，牛舌沙律配芝麻酱！最爱呢度啲沙律！泰式辣牛肉寿司，新嘢未见过，试吓，点知啲牛肉唔得好鞋，寿司饭又唔得，湿粒粒又黐粒粒！
龙虾羊奶芝士沙律、松露芥末牛肚沙律，牛舌沙律配芝麻酱好正，最爱呢度啲沙律啲料好新鲜，就算小龙虾啲肉都靓！三只我都好钟意！
意大利杂菜汤，味道一般啦，老妈子见我攞，佢又攞，话啲汤渣好食，但系佢不嬲都唔钟意酸嘅蕃茄汤？后尾攞中汤，佢就钟意有粉葛。
攞海鲜，老妈子话青口、螺，同埋虾好食，只蟹细只又冇味，唔好食，蚬有沙，老公都话系，同埋又咸，所以我净系攞青口、螺，同埋虾。
攞西冷，又系鞋，有白菜，佢哋话好，系真系唔错，烧茄子、烧南瓜，再加啲沙律，OK啦，系南瓜唔系我钟意食𠮶只日本很粉嘅南瓜。
食到中途个侍应见我哋一直饮水，同我哋讲上面有果汁，原来摆咗楼梯上边，因为今日人不多，以为𠮶区冇开放，同埋以为系座位，所以冇行过去，佢哋去斟嘅时候候坐隔篱𠮶啲都唔知𠮶度有果汁！我哋又话冇雪糕食，个职员话响烧味𠮶边，呢个时候我哋先望到个movenpick 雪糕柜，因为以前放甜品那边。食甜品，有边只好食？目测一件件𠮶啲应该似样啲：德国芝士饼、朱古力慕士蛋糕、芒果芝士蛋糕、葡挞，鲜果忌廉蛋糕，味道一般。仲攞埋爆谷。生果有哈密瓜同菠萝，但最后冇食，大哥话豆腐花唔得，芝麻糊大哥同女儿、妈子都话唔得！
攞雪糕，有Topping可以加！我攞士多啤梨、朱古力，同埋云呢拿。
吃到尾声才拿刺身三文鱼、素鲍鱼鲷鱼，又吃沙律。
埋单折实系$260一位，再加返10%，$29x，咁即$300位，价钱合理。
张贴
