Essence

营业中

休息中

其实之前已经帮衬过两次, 但今次系第一次同家人一齐嚟食饭, 虽然冇咗生蚝, 又比起之前贵咗 $10, 不过以 $188 再加一呢个价钱嚟计, 仍然都算值食嚟帮衬既~鱼生叫做合格, 仲有吞拿鱼, 不过我戒咗冇食, 但其他人食过话个样 OK, 不过冇乜味㖞。另外个羊架都系紧紧合格, 味道够苏, 但肉唔够腍。凯撒沙律啲菜好新鲜, 右下角既蕃薯咸牛肉沙律出奇地好好味!冷盘既冻虾同青口都算OK, 青口细只少少。热盘菜色都唔错, 其实好多嘢想食, 但个胃边放到咁多嘢? 所以只系食咗呢几样菜,最钟意前面𠮶个忌廉焗薯仔, 好好味!呢次个饼烧得好靓仔呀~不过原来唔可以放咁耐, 最好一攞完就唔好再攞其他嘢返埋位食咗先,因为块饼会黐住只碟, 搞到烂晒架~当然唔少得𠮶三粒朱古力泡芙, 依然好味! 其实好想食多几粒, 但已经开始饱...呢度竟然有鱼香茄子, 当然要试吓, 但可惜唔辣, 都系妈咪整既好食好多。朱古力喷泉啲朱古力都唔错, 几好味, 雪糕有三只味, 朱古力、士多啤梨、云呢拿,味道普通, 不过好在系有职员舀埋畀你, 唔会畀人搞到啲雪糕核核突突。