牛牛日式火鍋放題 (海之戀商場) (已結業)

呢间火锅店几个月之前已经同自己一个人嚟食过，但今次就带埋朋友试下仲系咪一样咁高质先☺️分别叫左泰酸辣虾锅同胶原猪骨锅，佢系一人一锅嫁，咁就同朋友食都唔怕拣唔到自己最钟意嘅汤底。泰酸辣虾锅就酸酸辣辣咁，唔会太过辣，食唔到好辣嘅朋友都可以试下。胶原猪骨锅都好香浓，猪骨味好重，奶白色嘅汤底一睇就知好入味。肉类都有各式各样唔同嘅选择，牛肉种类繁多，全部我都试过，都系好新鲜同牛肉味香浓，但一定要拣我就最钟意丹麦王样牛小排同丹麦封门牛柳另外自助区仲有啲特色沙律同前菜比大家开下胃先。小食炸物都有唔少，炸得都唔会太油。