鳥山名

营业中

休息中

大概有一年无食过呢间餐厅，最近经过愉景新城，决定再去试试佢地既食物。去既时候系晚市时段，佢地无晚市套餐只系有二人餐及四人餐等等。睇完餐牌后，我地好快就拣好左两款食物。(吉列黑豚猪扒定食)呢款定食内容包罗有，入面有沙律、前菜、同埋甜品，一开始以为右上角既系蕃薯，点知一食先发现系腌萝卜，酸酸甜甜好开胃，亦都好岩食完油炸野之后清下油腻感。吉列黑豚猪扒卖相几好，炸到金黄色，色泽均匀，咬落去唔会觉得炸粉好厚，肉质亦软腍，但略嫌肉质偏干。配上餐厅提供既酱汁，食落会更有层次感。(鳗鱼定食)呢款定食既前菜同上一款一样，上菜既时候卖相精美，用木盒作为食具感觉更有气派及气氛，鳗鱼份量相当充足，而且食落去并无发现有鱼骨，可以大大啖享用，但美中不足既系鳗鱼汁相对较少，假如再多一啲相信会更加好，最后配上一杯淡淡既玄米茶，呢一餐都算系相当完满。