沙嗲王 (金馬倫道) (已結業)

今日一个人来到金马伦道，好想回味学生年代嘅味道，沙嗲王实在令我掀起许多回忆。午饭时段要攞票等位，楼下已经有许多人正在等候安排入座，攞咗飞都等咗一阵，估唔到一人枱都要等。店内环境都几阔落，坐满食客，安排位置后点完嘢食，继续要等。当然点了我最喜欢的白咖哩香茅猪扒饭(全场 no. 1)​​​​​​​，香茅汁少少辣好惹味，独有袐制配方好吸引，一定要食，猪扒刚刚炸起，热辣辣，非常肥美，冇得输，十分可口，饭嘅份量已经唔少，食到最后仲有白咖哩汁剩，真系好想添饭。午餐包饮品，冻饮加$2，如果餐厅可以走饮管就更理想。隔离枱点了焗饭，卖相很吸引，下次可以嚟试下。饮品都有大量选择，加少少钱已经可以有珍珠奶茶或特饮，如果天气冻啲，叫热鲜榨青柠柑梅蜜应该是不错嘅选择。这里食满廿蚊送两蚊现金券，吸引大家下次再光临。