影片
更多
2024-01-23
1100 浏览
寻晚系Twins嘅演唱会，不经不觉佢地已经出道左22年，香港人见证佢地既成长。22年感觉好长，有好多事情喺中间发生，产生左好多唔同既回忆。佢哋中间经历好多嘅挫折，但系到今日仲咁多人支持，因为佢地一直有专注于自己喜欢同埋应该要做嘅事。系香港一直唔喺主流嘅跳舞组合，可以坚持到今时今日，实在令人佩服。唔知要继续做好呢件事再多些40年，佢地又做唔做到呢？ 66年开始经营的星座冰室，同Twins一样，一直咁做好自己嘅本业，就咁样已经做到第四代，时间系Twins既3倍。最近香槟大厦要重建，佢哋都因此就嚟要结业，有好多报导访问林老板。我觉得佢真系一个踏实又默默耕耘既人。佢既说话朴素，一啲吹嘘都冇。淡淡咁道出左咁多年喺香槟大厦嘅所见所闻同各种变迁。佢冇羡慕唔同过客嘅风光，佢冇挑剔喺呢间大厦嘅各个行业。睇得出佢就系只要专注于自己所做嘅工作，融合于食客。礼记之中，敬业乐群，说来容易，我相信星座冰室喺呢66年入面，真正咁做出左个典范。 🍖我自己帮衬过星座冰室好多次，呢日又黎到午餐，岩岩听到隔离枱好大声咁问:呢d咩黎架？我地明明叫左蕃茄牛肉通粉，点解会有块鸡皮？林老板不慌不忙解释系好正常既事，要熬个鸡汤出黎，
66年开始经营的星座冰室，同Twins一样，一直咁做好自己嘅本业，就咁样已经做到第四代，时间系Twins既3倍。最近香槟大厦要重建，佢哋都因此就嚟要结业，有好多报导访问林老板。我觉得佢真系一个踏实又默默耕耘既人。佢既说话朴素，一啲吹嘘都冇。淡淡咁道出左咁多年喺香槟大厦嘅所见所闻同各种变迁。佢冇羡慕唔同过客嘅风光，佢冇挑剔喺呢间大厦嘅各个行业。睇得出佢就系只要专注于自己所做嘅工作，融合于食客。礼记之中，敬业乐群，说来容易，我相信星座冰室喺呢66年入面，真正咁做出左个典范。
🍖我自己帮衬过星座冰室好多次，呢日又黎到午餐，岩岩听到隔离枱好大声咁问:呢d咩黎架？我地明明叫左蕃茄牛肉通粉，点解会有块鸡皮？林老板不慌不忙解释系好正常既事，要熬个鸡汤出黎，里面就会有鸡皮啦。呢一刻我由心咁敬佩佢。佢清楚自己嘅食材，清楚自己既处理，简单咁介绍俾客人，淡淡咁处理好事情。作为一个旁观者嘅客人，佢咁讲反而令我觉得佢更加君子，对佢更有信心。最重要系我知道原来个汤咁真材实料。
🍖我点左茄牛芝士公仔面，我钟意佢地坚持用新鲜嘅蕃茄同埋牛肉，蕃茄得好碎，本地牛肉有咬感但系唔韧,牛味好足。而芝士就系蕃茄嘅绝配。作为生果，蕃茄总系会有一啲酸，芝士就平衡左哩个味道。而且巧妙咁用左片装芝士，咁样芝士就好容易溶系热辣辣既汤。但系佢又唔喺完全散哂，咁我又可以小小小小咁夹黎食。彷佛系多左一道小食。
🍖西多士就度度都有架啦，但系哩个做得相当出色。外层既蛋酱做得轻薄，而且起丝，佢炸到啱啱好金黄色，唔会炸得过火之余又够香脆。有时候其他嘅西多士明明都见到入边嘅花生酱，但系偏偏又食唔到个味，主要原因就系𠮶皮太厚。呢度相对薄一啲，但系花生酱足料而且感觉香浓。
🍺叫左鸳鸯奶茶嘅味同咖啡味特别分明，又互相融合。唔知系咪呼应紧呢度嘅经营之道呢？
✨️去星座冰室，首先要经过一条走廊，然后落楼梯，转左手边就见到。然后你觉得好有特色，墙壁上面都系一啲好多年前加可乐广告，用词都系言简意赅嘅四字成语，'经典邂逅','心旷神怡'，喺一啲几乎冇见过嘅广告手法，招牌嘅中文写法，留心一睇，喺由右至左写，呢种写法你以为新颖，其实喺代表年代久远。店入边，又有好多当年杂志对佢地既报导，佢哋冇将佢放大，当年杂志假面系咁大size,佢就贴咁大张出黎。仲有佢用到生锈都冇换既收钱奶粉罐同埋经典款式既地砖，彷佛每一个事物都停留系以前嘅年代。而我最钟意就系佢虽然系地底，但系竟然有户外(店外)位置，而且好多人拣左坐喺出边。
咁有特色嘅地方，如果唔系因为清拆，相信会一直坚持传承落去。转变令到好多人得到新机遇。但又令到好多值得保存嘅店舖，食物甚至文化都不能保留。衷心多谢星座冰室以及香槟大厦其他商户，一直以来系尖沙咀嘅贡献，我仍然相信后会有期，但系就算完结，相信仲有好多人会系心中怀念!
张贴
