影片
更多
2019-12-08
3968 浏览
聚会完，又喺到食晏嘅时候，大家都话想饮餐茶，坐低慢慢倾吓偈，记得以前呢个位有间「稻坊」，贪其平平哋，但嚟到，原来已经转咗手，名为「老香港」，仲喺今日第一日嚟试业，所以，好多嘢都好生手。就连一啲电子付款系统都未准备好，斋收玩金。一上到楼梯，就喺成间餐厅嘅环境，咪睇佢好似好新簇，当然大部份嘅嘢都喺新装修嘅，但左边一排梳化椅啲线口披咗啲，就知沿用上手。其实个场几大，但大概试业关系，都无开放晒，入啲嘅位置就以屏风隔开去。配合餐厅嘅名字，餐具都用上怀旧嘅公鸡图案，对我哋呢啲老饼，就梗喺有份集体回忆啦！此外，啲蒸笼都好新簇，更确家喺新开业。一大张点菜纸，就大致睇晒有啲咩选择，如点心、小食、粥粉面饭……等等，定价都唔平，另茶钱每位收$12，加一就唔在讲啦。不过，试业期间，会打番个88折。此外，仲有多款精美小菜供选择，不过，午市就应该会点嘅人唔多，大多数都喺帮衬晚市嘅人先会考虑嘅菜式。午市仲有一个懒人包，就喺「午市商务超值自选套餐」，有2人、4人、6人、8人、12人嘅选择。但最后我哋无拣，因为想食多啲点心！淮山脆脆 $28其实，喺将啲淮山切成长条形再酥炸，外观出嚟有啲似越式春卷，因为外皮喺网纹嘅脆浆。
一上到楼梯，就喺成间餐厅嘅环境，咪睇佢好似好新簇，当然大部份嘅嘢都喺新装修嘅，但左边一排梳化椅啲线口披咗啲，就知沿用上手。其实个场几大，但大概试业关系，都无开放晒，入啲嘅位置就以屏风隔开去。
配合餐厅嘅名字，餐具都用上怀旧嘅公鸡图案，对我哋呢啲老饼，就梗喺有份集体回忆啦！此外，啲蒸笼都好新簇，更确家喺新开业。
一大张点菜纸，就大致睇晒有啲咩选择，如点心、小食、粥粉面饭……等等，定价都唔平，另茶钱每位收$12，加一就唔在讲啦。不过，试业期间，会打番个88折。
此外，仲有多款精美小菜供选择，不过，午市就应该会点嘅人唔多，大多数都喺帮衬晚市嘅人先会考虑嘅菜式。
午市仲有一个懒人包，就喺「午市商务超值自选套餐」，有2人、4人、6人、8人、12人嘅选择。但最后我哋无拣，因为想食多啲点心！
淮山脆脆 $28其实，喺将啲淮山切成长条形再酥炸，外观出嚟有啲似越式春卷，因为外皮喺网纹嘅脆浆。咬落自不然好脆口，亦唔太腻，而淮山则粉腍有种甘味。
酱皇蒸凤爪 $28凤爪喺点心嘅常客，都好难完全无人唔嗌凤爪，因为既惹味，又有本土特色。个酱汁调制得几香浓，底下仲垫咗少少豆卜，吸满汁，好味。
那些年鲜虾粉果 $38平常食粉果都喺啲沙葛粒、西芹粒之类，唔知喺咪加咗鲜虾就成为「那些年」嘅产物？啲粉果外观好靓吓，外皮做得晶莹，又唔黏牙，因为里面有唔少虾，几有食虾饺嘅感觉。
80年代芝麻卷 $28「菲林筒」绝对喺我哋啲老饼嘅集体回忆，大家都一致要试番下，不过，讲真，咬落嘅感觉喺有啲干，有啲实，芝麻嘅浓香度亦一般般，总之唔会有单3哗声嘅感觉。
原只鲜虾肠 $32落鲜虾嘅份量睇得出无手软，而且啲虾又确喺好鲜爽，兼且好弹牙。然而，睇层肠粉皮，就知拉得好厚身，而且，比一般见到嘅亦短身好多，好似缩咗少少水咁。
姜汁芥兰 $68友人都喺健康一族，点都要嗌啲蔬菜类，不过，俾我见炒碟芥兰要成68，就有啲唔舍得喇。碟芥兰本身都炒得唔差，翠绿而爽口，微微姜汁香味，唔会呛喉。
黑松露蛋白炒饭 $88几款炒粉面中，呢一道炒饭就最健康，虽然份量十足，但味道好一般，颇为淡口，又无乜黑松露嘅香气，只可以讲炒得爽身，唔油腻而已。
我哋真喺「好彩」，竟然喺试业第一日嘅3枱客嘅其中之一。查实，都见啲侍应好积极招呼，不过，明显地，无论食物，抑或其他配套，都有好多改善嘅空间。而且，以「老香港」味道为卖点，似乎未够突出。
张贴
