金泰子泰國餐廳

营业中

休息中

天气又湿又热，真系0胃口，本身谂住食少啲，顺便当减肥，但嚟到太子嘅金泰子泰国餐厅，由一碗冬阴公开始，我就跌落开胃嘅漩涡，酸酸辣辣嘅泰国菜真系令人食欲大增，最后叫埋咖喱软壳蟹，真系够晒满足。冬阴公海鲜汤好细心用咗小蜡烛让冬阴公海鲜汤一直keep住温度，食到尾都仲有温热嘅汤。冬阴公海鲜汤嘅酸辣比例啱啱好，充满层次。至于海鲜有虾同青口，除咗增加冬阴功嘅鲜甜味，啲海鲜亦已预先拆晒壳，所以食嘅时候更方便。酸辣凤爪酸酸辣辣令人非常开胃，所以除咗冬阴功之外，叫多个店员推荐嘅酸辣凤爪啦！酸辣凤爪嘅酱汁系金泰子泰国餐厅自家调制，凤爪索晒酱汁，爽口弹牙，味道先酸后辣，非常惹味。马拉盏炒通菜食泰国菜嘅绿色选项又点少得马拉盏炒通菜呢？金泰子泰国餐厅选用嘅通菜源产系泰国，通菜够晒爽脆，而马拉盏当然系呢个𩠌嘅灵魂，咸香提升。招牌咖喱软壳蟹招牌咖喱软壳蟹系金泰子泰国餐厅嘅招牌菜，咖喱汁微辣，但酱汁带有蛋同蟹膏，所以酱汁非常香浓，而略带鲜甜味。软壳蟹即叫即炸，所以外皮非常香脆，而肉质仍保持嫩滑。绝配当然唔少得蒜蓉包，加上大量嘅咖喱酱，邪恶得嚟又令人食唔停口。