Wagyu Ya (已結業)

今日张宝仔嚟到尖沙咀食一间和牛专门店，个名简而洁，WaGyu Ya即系和牛屋。店舖入边嘅装修简洁时尚，有吧枱、卡位，但系枱数不多，有心嚟食就最好book定位啦。我哋今次就叫咗两款，日本鹿儿岛A5和牛肉眼（120g) 同埋A5和牛三文治。果然系A5和牛，油脂分布相当平均，每一块肉都好似云石状。烧好之后放入口，唔需要点咀嚼，就已经喺口里面溶化。净系食肉又好似唔太饱肚，所以我哋叫咗A5和牛三文治，始终都系要食啲淀粉质先安乐。三文治原来即系吉列厚切和牛三文治。中间夹住嘅和牛切得比肉眼更厚，更有口感同饱足感。油香浓烈的和牛肉配上香脆的面包皮，中和了整个味道，为成道𩠌带来平衡。和牛上面仲有金箔同鱼子酱，豪华感Max!虽然今次唔算食到好多款，价钱亦都唔算平，但系每道𩠌都食得出佢价值所在，而且亦感受到店舖对和牛嘅专注。就好似日本嘅匠人精神；只做一件事，并将佢做到最好。