唯一雲貴川風味

营业中

休息中

呢日系星期日嘅下昼，啱啱过咗午餐时间，嚟到门口都有啲意外，因为仲有一条人龙喺光天化日等紧位，我一场嚟到当然唔会就咁走咗去，行埋去排队，发现店员姐姐同紧前面排队嘅人落单，即刻好惊，好惊姐姐好快就嚟到我面前，我完全冇idea系应该叫咩食，即刻就望去餐牌方向，直觉想食乜，姐姐嚟到我就叫咗乜，系腩肉云吞，更加令我意外嘅系好似10至15分钟就已经入得去，坐低大约5分钟碗米线，就嚟到我眼前，见识过唔同嘅人龙店嘅Logistics，每间方法都唔太一样，每个方法都令我好惊叹。讲返碗米线，我想话我从来未试过碗面入边可以有咁多腩肉，而且系好味嘅，云吞有种人手包嘅时代感，汤底确实系偏油嘅，本身都听过朋友话好钟意食呢间店嘅米线，好钟意佢嘅味道，但系肠胃顶唔顺佢嘅油，确实唔敢太常食，好彩我顶得顺佢嘅辣同油，完全冇问题，特登再嚟朝圣又未必会，如果喺附近都可以再食嘅。