旦王花 - 泰越鍾情

营业中

休息中

元朗人多食肆多，人车争路，连食肆都动辄大排长龙。元朗人或者早已被迫妥协，但我不会轻易屈服。前晚去探朋友兼食饭，行左几条街都系人，好野都要排几个钟，结果朋友建议去锦上路的旦王花。去到旦王花，先发现系当年《单身男女》取景场地，可能因为先入为主，总觉得呢度会好鬼贵，食steak同要开红酒，加上个装修好企理，的确系有种奢侈的错觉，但事实上呢度系食泰菜，而且收费都可以几经济，ummm...应该可以话系丰俭由人。我地𠮶晚差唔多10点先入座，海鲜bbq已经售罄，于是我地就点左啲寻常菜式，但感觉都唔错，平凡中见真章嘛。值得推介下的有以下几款：个软壳蟹米圈都几大件，入面的软壳蟹上台后仲有少少脆。不过，米纸可以再薄D。个珍宝拼盘有串烧半打，有炸虾饼亦有D类似天妇罗的炸南瓜同虾片。系炸南瓜o个度怪左少少，其余都几好食。叫左个咖哩鸡及薄饼，味道系OK的，但可以再辣多少少，会惹味D。