一杯屋 (已結業)

呢一日无无聊聊又来到铜锣湾，记得上次来啱啱好中央图书馆开放每节一小时时间，今次因疫情严重都冇得开，咁就到希慎广场嘅『诚品书局』行一转，行到肚饿又揾食，谂起朋友介绍过嘅呢间标明有日本东北仙台嘅名物牛舌嘅舖头，一于来怀念吓当年喺仙台食牛舌，食铜蚝，观海鸥的日子。呢份就系极上炭烧牛舌定食，师传即场喺你面前用炭火烧，未食闻到香味已流哂口水，微微焦香的牛舌烧到恰到好处一啲都唔会韧，好滋味，餐厅日式嘅装修风格加埋烧脷令我感觉真系喺仙台咁。而成个set仲配有嫩滑麻酱豆腐，点牛舌嘅sauce，白饭和特别的白色的淮山蓉，零舍好吖。