蘭香茶餐廳 (已搬遷) 新店位置

睇到有些食友嘅食评，都系话去到旁边嘅嘉乐见到冇开门先至过来呢度帮衬。估唔到今次自己都系一样...一心想带太座去试试𠮶个八只蛋嘅奄列，但撞正端午休市，不得要领。不过都不太紧要la，反正自己已食过多次....究竟呢度嘅水准系唔系真的及不上嘉乐呢 ? 讲真，又唔见得噃老实讲，嘉乐嘅出品胜在一味够大份，讲味道就真的算不上很出色。呢度嘅份量就比较"正常"，讲味道，绝不比嘉乐逊色，甚至可能仲好DD添....净系睇睇𠮶件西多士就知一二。望上去，卖相有点儿像响西贡泗益食到嘅出品。颜色呈淡黄色，应系醮上蛋浆后慢慢煎炸的，吃落口亦冇咁油腻，跟平常吃到𠮶种放入滚油炸出来嘅完全不同。跟泗益嘅最大分别系冇夹入咖央酱，只系靠牛油及糖浆嚟俾味。太座觉得有点美中不足 (因佢比较喜欢有花生酱馅的)，我又觉得冇乜所谓，好嘅西多最紧要有蛋香、面包够软熟及牛油糖浆份量下得够重手。呢度嘅出品已很不错，绝对食得过...茶走冇乜茶涩味，饮落滑口顺喉，很不错....听讲呢度嘅烘厚多士系名物，就叫份油多试试。所谓嘅厚多，以依家坊间水平来讲，实际上并不算厚。包质感的确颇软熟，牛油够多，搽上刚烘起嘅多士上面，呈半溶状态，又香又好吃....