鬼金棒

营业中

休息中

之前去过尖沙咀同铜锣湾食，今日经过旺角，发现开咗新分店，当然要去食下啦。特制麻辣味噌拉面拉面可以拣麻度同辣度，朋友叫左小辣，小麻。拉面配菜有玉米笋同蛋，玉米笋有煎过，蛋系塘心嘅，煮得啱啱好。拉面嘅质感系比较粗同烟靭个种，咬落软硬适中，汤底唔会好油但有肉味，配埋豆芽菜同葱花调味，小辣都好易入口。叉烧肉同脂肪比例均匀，咬落去令人齿夹留香，食到停唔到口。増量叉烧x2辣麻味噌拉面我叫左增量叉烧版本，对比朋友嘅叉烧果然大件好多，差唔多系一倍size。我叫左无辣同小麻，汤底明显冇朋友个碗咁红，但仍然味噌味充足。饮品食拉面一定要配汽水，我哋叫咗可乐Zero、芬达，最紧要够冻，店舖当然冇问题啦。最后值得一提，餐厅非常细心，有提供围裙俾大家，咁就唔怕弹到啲衫，又有篮放袋，大家可以慢慢享受美食。