炎天丼 (已結業)

本来系朋友介绍去试嘅一间餐厅，但我第一次食完之后就爱上了，结果一去再去。一间好嘅餐厅唔单止食物质素要有保证，服务都好重要，而呢一间餐厅就正正将呢两点做到满分爆分为止。海鲜天丼 天妇罗炸到金黄色而且好足料，令人垂涎三尺。海鲜天妇罗要好食一定系因为食材新鲜，但最令人估唔到嘅系，就连佢既蔬菜天妇罗都十分之好食，店员仲同我哋推介食天妇罗既次序，务求令我哋有最高嘅享受！唔系讲笑，我个人觉得依个乌冬冷面比起丼饭更加好食，夏日炎炎嘅时候食一碗冷面，配埋热辣辣嘅天妇罗，it’s so balancing, so perfect!依碟海胆天妇罗系我哋特登嗌嘅，因为食完海鲜天丼之后觉得佢嘅食材真系唔错，所以心思思想试埋佢嘅海胆。果然冇估错，海胆天妇罗都系好好食，唔错唔错！你一定冇谂过系天妇罗专门店入面竟然有甜品食，但依碟香蕉天妇罗一鸣惊人，明明我哋已经食到好饱，但食左一啖后竟然好似打开咗第二个胃咁，狂轰落去无难度，天妇罗香脆松软，配朱古力酱正呀！总括而言，餐厅既价钱平宜近人，食材新鲜份量多，而且真系好好食，服务质素顶级。就系咁简单粗暴，完胜佢身边既对手！